BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ەرىكتىلەر جاعدايى تومەن وتباسىلارعا مەرەكەلىك كەش ۇيىمداستىردى

استانا، baq.kz. «استانا قايىرىمدى جاندارى» ەرىكتىلەر توبى جاعدايى تومەن وتباسىلارعا ارناپ جاڭا جىل كەشىن ۇيىمداستىردى.

مەرەكەلىك كەشكە 11 وتباسىدان 36 بالا انالارىمەن قاتىستى. قوناقتارعا مەرەكەلىك داستارحان جايىلىپ، كونسەرتتىك باعدارلامالار قويىلدى. كەشتىڭ شىمىلدىعىن استانا قالاسى تەنگري ٴان-بي مەكتەبىنىڭ تالانتتى بۇلدىرشىندەرى ارنايى قويىلعان جاڭا جىلدىق ميۋزيكلىمەن اشتى. سونىمەن قاتار، قايىرىمدىلىق كەشىندە ەرلان مالايەۆ، ورالحان التىنبەكوۆ سىندى انشىلەر ونەر كورسەتتى. مەرەكەلىك كەش بارىسىندا استانا قايىرىمدى جاندار ەرىكتىلەر توبىنا 3 جىل تولۋىنا وراي ارنايى ٴانۇراننىڭ تۇساۋى كەسىلدى. انالار مەن بالالارعا ەستەلىك سىيلىق تابىستالدى.

«استانا قايىرىمدى جاندارىنا» كوپ-كوپ راحمەت. ارنايى شاقىرتۋ قاعازىن جىبەرىپ، وسىنداي مەرەكەلىك كەشكە شاقىرىپ وتىر. بيىل 3 جىلدىقتارى ەكەن. جىلدان-جىلعا وسىلاي جاقسىلىق جاساي بەرسىن، جاقسىلىق جاساۋدان شارشاماسىن. كوڭىل-كۇيىمىز وتە كەرەمەت. العىستان باسقا ايتارىمىز جوق»، - دەدى كوپبالالى انا قارلىعاش ابدۋللايەۆا.

«استانا قايىرىمدى جانداردىڭ» بۇگىنگى كەشكە شاقىرعاندارىنا ەرەكشە العىس ايتامىن. بۇگىنگى مەرەكەلەىك شارادان ەرەكشە اسەر الدىم. بالالارىم دا وتە قۋانىشتى. ٴتۇرلى سىيلىق پەن تاتتىلەر الىپ جاتىر. كورسەتىپ جاتقان قۇرمەتتەرى وتە تاماشا»، - دەپ العىس ٴبىلدىردى تاعى ٴبىر كوپبالالى انا لولا راحمانقۇلقىزى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي