BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

استانادا "اقىلدى" ايالداما تانىستىرىلدى

فوتو: Нұржас Жақсыбай

استانا، baq.kz. ينۆەستور ەلوردادا قوعامدىق كولىكتى كۇتۋگە ارنالعان 50-دەن استام جىلى ايالدامانى اشۋدى جوسپارلاپ وتىر، دەپ حابارلايدى استانا اكىمدىگىنىڭ رەسمي سايتى.

العاشقى your i-stop جاعالاۋ شاعىن اۋدانىندا ورىنبور كوشەسى، 4 مەكەن-جايى بويىنشا («قۇلاگەر»تك ايالداماسى) اشىلدى.

بۇل ايالدامادان № 61 جانە 101 باعدارلار وتەدى. كەستەگە سايكەس وزىنە قاجەتتى اۆتوبۋس باعدارلارىن تۇرعىندار مۇندا 8-20 مينۋت ارالىعىندا كۇتەدى. ال ەندى وسى ۋاقىتتا استانالىقتار جاڭا ايالدامادا جىلىنىپ، تەلەفونىن دا قۋاتتاي الادى. مۇندا سونداي-اق، كوفە ٴىشىپ، جۇرەك جالعاپ الۋعا دا بولادى. ايالدامادا اجەتحانا دا بار.

جاڭا ايالدامانىڭ اشىلۋ راسىمىنە «ەسىل» اۋدانىنىڭ اكىمى تولەگەن زاكاريانوۆ قاتىستى.

«ٴبىز جىلى ايالدامانى نە سەبەپتى وسى جەرگە ورناتىپ وتىرمىز؟ جاعالاۋ – جاڭا شاعىن اۋدان. ول قارقىندى ٴوسىپ جاتىر. قازىرگى كەزدە بۇل اۋداندا 25 مىڭ ادام تۇرىپ جاتىر. ال كەلەر جىلى تۇرعىنداردىڭ سانى 35 مىڭعا جەتەدى. بۇل اۋداندا جەلدىڭ قاتتى سەزىلۋىنە وراي، جىلى ايالدامانى وسىندا ورناتۋدى ٴجون كوردىك»، - دەدى اكىم.

ايالدامانىڭ اۋدانى 16ح3 مەتردى قۇرايدى. مۇندا كۇتۋ زالى، ساۋدا ورنى جانە اقىلى اجەتحانا بار.

پاۆيلون ەنەرگيا تۇتىنۋ دەڭگەيى تومەن ينفراقىزىل جىلىتۋ جۇيەسىمەن جابدىقتالعاندىقتان، ايالدامانى «اقىلدى» دەپ اتايدى.

ول استانادا جاسالعان. جوبا تولىعىمەن امەريكاندىق i-stop inc كومپانياسىنىڭ ينۆەستيسياسىنىڭ ەسەبىنەن ورناتىلادى.

اۋدان اكىمدىگىنىڭ قولداۋىمەن ايالداماعا كوممۋنيكاسيا تارتىلعان. i-stop inc كومپانياسى ٴوزىنىڭ سالعان قارجىسىن سىرتقا جارناما ەسەبىنەن قايتارۋدى جوسپارلاۋدا. كەلەسى your i-stop ايالداماسى دوستىق كوشەسىندە اشىلادى («قورعانىس مينيسترلىگى» ايالداماسى).

ال 2019 جىلدىڭ اياعىنا دەيىن قالادا وسىنداي 50 ايالداما اشىلادى دەپ جوسپارلانۋدا.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي