BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

استانادا 1 اپتادا 20 شاقتى ٴجاسوسپىرىم بەيىمدەۋ ورتالىعىنا ورنالاستىرىلدى

استانا، baq.kz. كامەلەتكە تولماعاندار اراسىنداعى قۇقىق بۇزۋشىلىقتار مەن قىلمىستاردى، بالالاردىڭ قاداعالاۋسىز جانە پاناسىز قالۋىن الدىن-الۋ، سونداي-اق، كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە جانە زاڭدى وكىلدەرىنىڭ ەرىپ ٴجۇرۋىنسىز تۇرعىن ٴۇي-جايلاردان تىس جەرلەردە جۇرگەن كامەلەتكە تولماعانداردى انىقتاۋ ماقساتىندا اعىمداعى جىلدىڭ 25-28 قازان ارالىعىندا استانا قالاسىنىڭ اۋماعىندا رەيدتىك ٴىس-شارالار وتكىزىلدى. بۇل تۋرالى استانا قالاسى پد جەرگىلىكتى پوليسيا قىزمەتى حابارلادى.

رەيدتىك ٴىس-شارالاردىڭ قورىتىندىسى بويىنشا 100-دەن استام ازامات اكىمشىلىك جاۋاپكەرشىلىككە تارتىلدى.

كامەلەتكە تولماعانداردىڭ تۇنگى ۋاقىتتا زاڭدى وكىلدەرىنىڭ ەرىپ ٴجۇرۋىنسىز ساعات 22-دەن تاڭعى 6-عا دەيىن تۇرعىن جايدان تىس جانە ويىن-ساۋىق مەكەمەلەرىندە جۇرگەنى ٴۇشىن، سونداي-اق 14-تەن 16 جاسقا دەيىنگى كامەلەتكە تولماعاندار جاساعان بۇزاقىلىق جاساعانى ٴۇشىن 70-تەن استام اتا-انا، زاڭدى وكىلدەر اكىمشىلىك جاۋاپكەرشىلىككە تارتىلدى.

جەكەلەگەن قوعامدىق ورىنداردا تەمەكى ونىمدەرىن پايدالانعانى جانە ۇساق بۇزاقىلىق جاساعانى ٴۇشىن 25-تەن استام كامەلەتكە تولماعاندار اكىمشىلىك جاۋاپكەرشىلىككە تارتىلدى.

كامەلەتكە تولماعانداردىڭ تۇنگى ۋاقىتتا زاڭدى وكىلدەرىنىڭ ەرىپ ٴجۇرۋىنسىز ويىن-ساۋىق مەكەمەلەرىندە بولۋىنا جول بەرگەن 10-عا جۋىق ويىن-ساۋىق مەكەمەلەرىنىڭ يەلەرى اكىمشىلىك جاۋاپكەرشىلىككە تارتىلدى.

استانا قالاسى اكىمدىگىنىڭ "كامەلەتكە تولماعانداردى بەيىمدەۋ ورتالىعى" كمم-گە كامەلەتكە تولماعان 20-عا جۋىق بالا ورنالاستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي