BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا جىل باسىنان بەرى قاراۋسىز قالعان 192 كولىك انىقتالدى

استانا. 18 اقپان. baq.kz - جەرگىلىكتى پوليسيا قىزمەتىنىڭ قىزمەتكەرلەرى اۋداندىق اكىمدىكتەردىڭ وكىلدەرىمەن بىرلەسىپ كولىكتەر، جاياۋ جۇرگىنشىلەر جانە قار تازالاۋ تەحنيكاسىنىڭ قوزعالىسىنا كەدەرگى جاسايتىن يەسىز قالعان كولىكتەردى انىقتاۋ بويىنشا رەيدتەردى تۇراقتى تۇردە جۇرگىزەدى. 

جىل باسىنان بەرى 192 كولىك انىقتالىپ، تۇراققا قويىلدى. قىستا يەسىز قالعان كولىكتەر ماسەلەسى اسا وزەكتى بولادى، ويتكەنى يەلەرى اۋلالاردا جانە جولداردىڭ جيەكتەرىنە قالدىرىپ كەتكەن كولىكتەردى قار باسىپ، قالا تۇرعىندارىنا كەدەرگى كەلتىرەدى، ەلوردانىڭ كەلبەتىن بۇزادى.

جەرگىلىكتى پوليسيا قىزمەتىنىڭ حابارلاۋىنشا، پوليسەيلەر نومەر بەلگىلەرى مەن شاناقتىڭ نومەرى ارقىلى كولىك يەسىن ەش قيىندىقسىز انىقتايدى. كولىك يەلەرىمەن اڭگىمەلەسۋ جۇرگىزىلىپ، كەيبىر جاعدايلاردا ولار اكىمشىلىك جاۋاپكەرشىلىككە تارتىلادى.

ٴبىر ايدان ارتىق ۋاقىتتان بەرى تۇرعان، بۇزىلعان، قوقىس پەن مەتاللدىڭ جينالۋ وشاعىنا اينالعان، قار جيناۋ تەحنيكاسىنا كەدەرگى جاسايتىن، گۇلزارلارعا قويىلعان، جاياۋ جۇرگىنشىلەر مەن كولىك قوزعالىسىنا كەدەرگى بولاتىن ماشينالار ەۆاكۋاسيالانادى.

ەلوردا تۇرعىندارىن كوشەدە قاراۋسىز قالعان كولىكتى بايقاعان جاعدايدا، 102 نومەرىنە نەمەسە ەلوردا اكىمدىگىنىڭ «حالىقتىق باقىلاۋ» جانە «ۆيرتۋالدى قابىلداۋ بولمەسى» ايدارلارىنا حابارلاسۋعا شاقىرامىز. ٴوتىنىش قابىلدانعان سوڭ انىقتالعان كولىك جۇرگىزۋشىلەرىنە قاتىستى قاجەتتى شارالار قولدانىلاتىن بولادى.

كەز كەلگەن ماتەريالدى استانا قالاسىنىڭ http://astana.gov.kz رەسمي سايتىنا سىلتەمە جاساعاندا عانا پايدالانۋعا رۇقسات ەتىلەدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي