BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا مەكتەپتەرىندە اس ٴمازىرى وزگەرەدى

فوتو: ашық дереккөзден

استانا، baq.kz ٴتىلشىسى. استانا قالاسى ٴبىلىم باسقارماسىنىڭ باسشىسى ٴانۋار جانعوزين 2019 جىلدان باستاپ، مەكتەپتەردە جاڭارتىلعان اس ٴمازىرى ەنگىزىلەتىنىن ايتتى.

قالالىق ٴبىلىم باسشىسى 2019 جىلدىڭ قاڭتار ايىندا جاڭارتىلعان اس ٴمازىرى العاش قالاداعى 41 مەكتەپكە كەيىن باسقا ٴبىلىم وردالارىنا ەنگىزىلەتىنىن جەتكىزدى. ونىڭ ايتۋىنشا، الداعى جىلى قر ٴبىلىم جانە عىلىم مينيسترلىگىنىڭ №717 بۇيرىعىنداعى جاڭا وزگەرىستەرگە ساي تاماقتانۋ ەرەجەلەرى جاريالانادى. جاڭا تالاپقا سايكەس، ەندى بىرنەشە مەكتەپتى ٴبىر عانا جەتكىزۋشى ازىق-تۇلىكپەن قامتاماسىز ەتۋى مۇمكىن.

«بىرىنشىدەن، بالالار جاڭا مەنيۋ بويىنشا تولىققاندى تاماقتانادى. ەكىنشىندەن، اتالعان مەنيۋگە ٴتۇرلى تاماقتار كىرەدى. وندا دەنساۋلىققا پايدالى جەمىستەر مەن كوكونىستەر، تاعامنىڭ تۇرلەرى بار. مىسالى، تاڭەرتەڭ بالالارعا جاڭا مەنيۋ بويىنشا سۇتتەگى كۇرىش بوتقاسى، بۋتەربرود (ماي مەن ىرىمشىك)، جەمىس-جيدەكتەر: الما نەمەسە المۇرت، قانت قوسىلعان شاي بەرىلەدى. ال 10-نان كەيىن وقۋشىلارعا سيىردىڭ ەتىنەن جاسالعان كوتلەتا، ماكاروندار، الما جانە قانت قوسىلعان شاي بەرىلەدى»، - دەدى باسشى استانا قالاسى اكىمدىگىندە وتكەن بريفينگتە.

ونىڭ ايتۋىنشا، جاڭا اس ٴمازىرى ٴار بالاعا 355 تەڭگەنى قۇرايدى. جالپى كەلەسى جىلى وقۋشىلاردى تەگىن ىستىق تاماقپەن قامتاماسىز ەتۋگە جەرگىلىكتى بيۋدجەتتەن 4 ملدر تەڭگە شاماسىندا قاراجات قاراستىرىلعان.

سونىمەن قاتار ٴانۋار جانعوزين بريفينگتە جاڭا اس ٴمازىرى قازاق تاعامتانۋ اكادەمياسىمەن كەلىسىلگەنىن اتاپ ٴوتتى.

فوتو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي