BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا expo-2017» كومپانياسى استانالىق وقۋشىلار سارايىنا كورمەنىڭ بىرەگەي الاڭىن سىيلادى

فوتو: informburo.kz

استانا، baq.kz. استاناداعى وقۋشىلار سارايى ٴوزىنىڭ ٴ7-شى تۋعان كۇنىنە وراي «استانا ەكسپو-2017» ۇلتتىق كومپانياسىنىڭ سىيلىعىمەن ماراپاتتالدى. كوپتەگەن بىرەگەي ەكسپوناتتارمەن ۇسىنىلعان «بولاشاق ەنەرگياسى» كورمە كەشەنى ەلوردانىڭ جاستار ٴبىلىم بەرۋ ورتالىعىنىڭ كوركىنە اينالدى. كورمەگە كەلۋشىلەر بۇل جەردەن زاماناۋي «جاسىل» تەحنولوگيالار ەكسپوناتتارىن كورە الادى. بۇل تۋرالى bnews.kz سايتى حابارلايدى.

وقۋشىلار سارايىنا كەلۋشىلەر «بولاشاق ەنەرگياسى» كورمە الاڭىنان بالامالى ەنەرگيا كوزدەرى سالاسىنداعى زاماناۋي «جاسىل» تەحنولوگيالار مەن يننوۆاسيالىق ازىرلەمەلەردىڭ ۇلگىلەرىمەن تانىسا الادى. بۇل زاتتار جاس ۇرپاقتى زاماناۋي ەكولوگيالىق تەحنولوگيالارعا بەيىمدەۋگە جانە ولاردى ونەرتابىسقا قىزىعۋشىلىققا تالپىندىرادى.

فوتو: informburo.kz

وقۋشىلار سارايىنىڭ ديرەكتورى ەربول ىرگەباي «استانا ەكسپو-2017» كومپانياسىنا سىيعا تارتىلعان ەكسپوزيسيا مەن ەكسپوناتتار ٴۇشىن العىس ٴبىلدىردى.

«بۇل – ٴبىز ٴۇشىن ەرەكشە سىيلىق. «استانا ەكسپو-2017» ۇلتتىق كومپانياسىنىڭ سىيى بالالاردىڭ دۇنيەتانىمىنىڭ كەڭەيۋىنە، عىلىمي-تەحنيكالىق شىعارماشىلىعىنىڭ دامۋىنا، بالالار مەن جاسوسپىرىمدەردى عىلىمعا، تەحنيكا مەن زاماناۋي «جاسىل» تەحنولوگيالارعا بەيىمدەۋگە زور ىقپال ەتەدى»، - دەيدى ەربول ىرگەباي.

كورمەدەگى ەكسپوناتتاردىڭ ٴارقايسىسى قورشاعان الەمگە دەگەن كوزقاراستى وزگەرتۋ جانە ونى ۇقىپتى پايدالانۋ تۇرعىسىنان ادام مۇمكىندىكتەرىنىڭ اۋقىمى كەڭ ەكەنىن ايقىندايدى.

«مينياتيۋرالىق كۇن گەنەراتورى» كورمەسى – كۇن ەنەرگياسىن پايدالانۋ ارقىلى ەلەكتر ەنەرگياسىن وندىرۋگە ارنالعان ەلەكتر ستانسياسى. قۇرىلعى ورتالىقتاندىرىلعان ەلەكتر جەلىلەرىنەن، اۋىلدىق جانە تاۋلى ايماقتاردان الىس جانە كۇن ساۋلەسىنە باي جەرلەردە سۇرانىسقا يە بولۋى مۇمكىن.

فوتو: informburo.kz

«كۇن پەشى» دەپ اتالاتىن ەكسپوزيسيا كۇن ەنەرگياسىنان جۇمىس ىستەيدى. ونەرتابىس كۇن اشىق كەزدە تاماق دايىنداۋعا مۇمكىندىك بەرەدى. بۇل پەش قورشاعان ورتانى لاستامايدى، ەكولوگيالىق تازا جانە زيانسىز.

قورشاعان ورتاعا زياندى اسەردى ازايتۋعا كومەكتەسەتىن وزدىگىنەن باسقارىلاتىن جانە سۋتەكتى اۆتوموبيل ۇلگىلەرى تۋرالى «بولاشاقتىڭ كولىگى» ۆيدەوتانىستىرىلىمى مەكتەپ وقۋشىلارى اراسىندا ەرەكشە قىزىعۋشىلىق تۋدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي