استانا اۋەجايىندا جۇكتەردى ۇرلاۋ 50% ازايدى

فوتو: bkp.prokuror.gov.kz

استانا، baq.kz. بۇل تۋرالى باس كولىك پروكۋراتۋراسىنىڭ اعىمداعى جىلدىڭ 9 ايىنداعى جۇمىس قورىتىندىسىندا ايتىلدى.

اعىمداعى جىلى كولىك پروكۋرورلارىمەن 2 مىڭنان استام زاڭبۇزۋشىلىقتار انىقتالىپ، 300 مىڭنان استام ازاماتتىڭ قۇقىقتارى قورعالعادى جانە ٴارتۇرلى جاۋاپكەرشىلىككە 757 تۇلعا تارتىلدى.

«دەن قويۋ شارالارىمەن 1،1 ملرد. تەڭگە ٴوندىرىلدى، سونىمەن قاتار 825 ملن. تەڭگە مەملەكەت پايداسىنا جانە 3 900 جۇمىسشىنىڭ پايداسىنا 146،9 ملن. تەڭگە جالاقى بەرەشەگى»، - دەلىنگەن ۆەدومسۆتونىڭع حابارلاماسىندا.

كولىكتەگى قاۋىپسىزدىكتى قامتاماسىز ەتۋ سالاسىندا 2 اۋەكومپانيانىڭ قىزمەتى جانە 17 اۋە كەمەسىن پايدالانۋ توقتاتىلدى. 139 زاڭسىز اۆتوتاسىمالداۋشى انىقتالىپ، زاڭسىز جابدىقتالعان 94 اۆتوبۋس مارشرۋتتارىنان شەتتەتىلدى.

بۇدان باسقا، قاداعالاۋ اكتىلەرى بويىنشا 1600 كم استام مۇناي-گاز قۇبىرلارى جوندەلدى جانە اۋىستىرىلدى، ۋاكىلەتتى ورگاندارمەن ماگيسترالدىق قۇبىرلاردىڭ كۇزەت ايماقتارى مەن از قاشىقتىقتارىن ورناتۋ بويىنشا جۇمىستار جۇرگىزىلۋدە.

«پروفيلاكتيكا شارالارىمەن كولىك نىساندارىندا قىلمىستىڭ 9،5% ازايۋىنا قول جەتكىزىلدى. استانا اۋەجايىنداعى جۇكتەردى ۇرلاۋ سانى 50%، الماتى اۋەجايىنداعى 23% دەيىن ازايدى. سيفرلاندىرۋ باعدارلاماسى شەڭبەرىندە ەلەكتروندىق فورماتتا 28 قىلمىستىق ٴىس تەرگەلدى، ونىڭ ىشىندە 18 اياقتالدى، 3 - سوتقا جىبەرىلدى»، - دەيدى ماماندار.

جالپى، سوتتارمەن 970 ادامعا قاتىستى 828 قىلمىستىق ٴىس قارالدى. باس بوستاندىعىنان ايىرۋعا 63 ادام سوتتالدى. قىلمىستىق ايىپپۇل 219 ادامعا قاتىستى 224،7 ملن.تەڭگە سوماسىندا قولدانىلدى، ونىڭ 98%-ى نەمەسە 220،8 ملن. تەڭگەسى ەرىكتى تۇردە تولەندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!