BAQ.kz - Қазақстан жаңалықтары USD 376.73 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.75
استانا:

جولاقىسىن تولەمەگەن استانالىق ايەل 2 جىلعا سوتتالۋى مۇمكىن

№51 مارشرۋتتى كەزەكتى تەكسەرۋ كەزىندە «استانا lrt» جشس ترانسپورتتىق باقىلاۋ دەپارتامەنتىنىڭ قىزمەتكەرلەرى جولاۋشى ايەلدىڭ جالعان زەينەتكەر كۋالىگىن پايدالانىپ كەلگەنىن انىقتادى، دەپ حابارلايدى baq.kz اقپارات اگەنتتىگى alrt.kz سايتىنا سىلتەمە جاساپ.

«استانا lrt» جشس ترانسپورتتىق باقىلاۋ دەپارتامەنتى كۇن سايىن قالالىق اۆتوبۋستاردى تەكسەرەدى. دالىرەك دەپارتامەنت ينسپەكتورى كوندۋكتوردىڭ بيلەتتەردى ەرەجەگە ساي تاراتۋىن جانە جولاۋشىلاردىڭ مىندەتتى تۇردە جولاقىسىن تولەپ وتىرۋىن قاداعالايدى. №51 مارشرۋتتى تەكسەرۋ كەزىندە دەپارتامەنت قىزمەتكەرلەرى ەرەجە بۇزىپ، جالعان زەينەتكەر كۋالىگىن پايدالانىپ جۇرگەن ايەلدى ۇستادى.

ينسپەكتورلەر سول جەردە تۇرىپ پوليسيا شاقىرادى. ەندى استانا تۇرعىنىنىڭ ۇستىنەن قر قك 1-تاراۋ 385-باپ بويىنشا قىلمىستىق ٴىس قوزعالدى. جالعان قۇجات ازىرلەگەنى ٴۇشىن ايەل 4 810 000 تەڭگە كولەمىندە ايىپپۇل تولەيدى نەمەسە ەكى جىلعا باس بوستاندىعىنان ايىرىلۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي