استانا، baq.kz. ومسك قالاسىنان ارزان باعامەن قانت الماقشى بولعان استانالىق كاسىپكەر الاياقتارعا الدانىپ قالدى. بۇل تۋرالى omskinform.ru پورتالى حابارلايدى.
استانا: 
2211 
0
استانا، baq.kz. ومسك قالاسىنان ارزان باعامەن قانت الماقشى بولعان استانالىق كاسىپكەر الاياقتارعا الدانىپ قالدى. بۇل تۋرالى omskinform.ru پورتالى حابارلايدى.
بيزنەسمەن ارزان قانت الۋ ماقساتىمەن استانادان ومسك شاھارىنا بارعان. ول بانكومات ارقىلى قانت ساتۋشىلارعا قوماقتى قاراجات اۋدارعان. الايدا قازاقستاندىق كاسىپكەر جوق تاۋار ٴۇشىن اقشا تولەگەنىن كەش تۇسىنگەن.
الاياقتار ينتەرنەتتە ارزان باعامەن قانت ساتىلاتىنى تۋرالى حابارلاندىرۋ بەرگەن. ونى قازاقستاندىق كاسىپكەر بايقاپ قالعان. ٴسويتىپ، ول ينتەرنەتتەن حابارلاندىرۋ بەرگەن فيرماعا حابارلاسقان.
«ساتۋ ٴبولىمىنىڭ قىزمەتكەرىمىن دەپ تانىستىرعان بەلگىسىز ازامات زارداپ شەگۋشىنى تاۋاردى ساتىپ الىپ، ونى جەتكىزۋ ٴۇشىن رەسەي فەدەراسياسىنىڭ اۋماعىندا عانا اقشانى اۋدارا الاسىز دەپ سەندىرگەن. قازاقستاندىق كاسىپكەر استانادان ومسكىگە كەلىپ، بانكومات ارقىلى 235 200 رۋبل (شامامەن 1،3 ملن تەڭگە) اۋدارعان. الايدا كەلىسىلگەن مەرزىمدە تاۋار جەتكىزىلمەگەن. سونداي-اق ول ساتۋشىعا دا حابارلاسا الماعان»، - دەيدى ومسك قالاسىنىڭ پوليسيا قىزمەتى.
وسىدان سوڭ قازاقستاندىق ازامات الدانعانىن ٴتۇسىنىپ، پوليسياعا ارىز جازعان. ٴتارتىپ ساقشىلارى «الاياقتىق» بابى بويىنشا قىلمىستىق ٴىز قوزعادى.
الاياقتار ىزدەستىرىلۋدە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17084
0