BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

العاشقى 1000 اسكەري قىزمەتشى تقجب ارقىلى جەڭىلدەتىلگەن زاەم الدى

فوتو: Baribar.kz

استانا، baq.kz. بەرىلگەن نەسيەلەردىڭ جالپى سوماسى – 16 ملرد تەڭگە. ٴۇي ساتىپ الۋعا ارنالعان زايمدار اسكەري قىزمەتشىلەرگە 6-8% ارالىعىنداعى جىلدىق مولشەرلەمەمەن ارنايى «اسكەري ٴونىم» باعدارلاماسى اياسىندا بەرىلدى. بۇل باعدارلامانى تۇرعىن ٴۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) 2018 جىلى اسكەري قىزمەتشىلەردى قولداۋ ماقساتىندا ىسكە قوسقان بولاتىن. العاشقى زاەم 2018 جىلدىڭ 5 قىركۇيەگىندە رەسىمدەلدى. بۇل تۋرالى تۇرعىن ٴۇي قۇرىلىس جيناق بانكىنىڭ ٴباسپاسوز قىزمەتى حابارلايدى.

تۇرعىن ٴۇي قۇرىلىس جيناق بانكىنىڭ وتان قورعاۋشىلارعا ۇسىنىپ وتىرعان جەڭىلدەتىلگەن زايمدارى ٴۇش تۇرگە بولىنەدى، ال ولاردىڭ شارتتارى ۇمىتكەردىڭ جيناعان قاراجاتىنىڭ كولەمى مەن تاڭدالىپ الىنعان پاتەرگە بايلانىستى انىقتالادى.

اسكەري قىزمەتشىلەر اراسىندا قايتالاما نارىقتان (قولدانىستا بولعان) ٴۇي ساتىپ الۋعا ارنالعان زاەم ٴتۇرى ەڭ تانىمال بولىپ تۇر. مۇنداي نەسيەنى الۋ ٴۇشىن 20% كولەمىندە باستاپقى جارنا جەتكىلىكتى، ال كليەنت جىلدىق مولشەرلەمەسى 8% بولاتىن نەسيەدەن ۇمىتكەر بولا الادى. بۇل باعىتتا بانك بارلىعى 427 زاەم رەسىمدەگەن.

سۇرانىس تۇرعىسىنان ەكىنشى ورىندا بار بولعانى 5% كولەمىندەگى باستاپقى جارنامەن بەرىلەتىن نەسيە تۇر. مۇنداي زاەم تەك جاڭا ٴۇي الۋ ٴۇشىن رەسىمدەلەدى، ال جىلدىق مولشەرلەمەسى 7% كولەمىندە. بۇل مۇمكىندىكتى 338 ادام پايدالانعان.

ٴۇي باعاسىنىڭ 20%-نا تەڭ باستاپقى جارنانى تالاپ ەتەتىن جانە 6% جىلدىق مولشەرلەمەمەن بەرىلەتىن ٴۇشىنشى باعىتتا 32 زاەم بەرىلگەن.

بۇعان قوسا ارناۋلى مەملەكەتتىك ورگاندار قىزمەتكەرلەرىن قايتا قارجىلاندىرۋ ٴۇشىن 218 زاەم رەسىمدەلگەن.

ٴقازىر تۇرعىن ٴۇي قۇرىلىس جيناق بانكىندە جالپى سوماسى 10،5 ملرد تەڭگە كولەمىندەگى تاعى 700 ٴوتىنىش قاراستىرىلىپ جاتىر. جىل سوڭىنا دەيىن 6 000 اسكەري قىزمەتشىنى نەسيەلەندىرۋ جوسپارلانىپ وتىر. بۇل ماقساتتا بانك ٴوز قاراجاتى ەسەبىنەن 74 ملرد تەڭگە ٴبولدى.

«وسى جىلى پۋلعا وتە الماعان اسكەري قىزمەتشىلەر تۇرعىن ٴۇي قۇرىلىس جيناق بانكىندەگى شوتتارىندا اقشا جيناۋدى ارى قاراي جالعاستىرا بەرە الادى. بۇل ٴۇشىن بانك بارىنشا جايلى جانە ٴقاۋىپسىز جاعداي جاساپ وتىر. ەڭ باستىسى، اسكەري قىزمەتشىلەردىڭ شوتتارىنا ەرەكشە مارتەبە جانە قولسۇعىلماۋشىلىق كەپىلى بەرىلگەن. ولاردىڭ جيناعان قاراجاتى بيۋدجەت ەسەبىنە الىنبايدى، ولارعا تىيىم سالۋعا بولمايدى جانە ۋاقتىلى تولەنبەگەن قانداي دا ٴبىر وزگە نەسيە بويىنشا ەكىنشى دەڭگەيلى بانكتەر تولەم تالاپتارىن قويا المايدى. سونداي-اق بۇل دەپوزيتتەردەگى ٴتيىمدى جىلدىق سىياقى مولشەرلەمەسى 13،3%-عا دەيىن باراتىنىن ايتا كەتۋ كەرەك. ال تۇرعىن ٴۇي قۇرىلىس جيناق بانكى ارقىلى نەسيە الۋ كەزىندە تولەم قابىلەتتىلىگىن راستاۋدىڭ جەڭىلدەتىلگەن ٴاناليزى قولدانىلادى. ياعني باعالاۋ بارىسىندا وتباسىعا كەتەتىن شىعىندار مەن باسقا ەكىنشى دەڭگەيلى بانكتەر الدىنداعى مىندەتتەمەلەرى ەسكەرىلمەيدى»، - دەپ ٴتۇسىندىرىپ ٴوتتى تۇرعىن ٴۇي قۇرىلىس جيناق بانكى باسقارما ٴتورايىمى ٴلاززات يبراگيموۆا.

جالپى العاندا جاڭا تۇرعىن ٴۇي باعدارلاماسىنىڭ العاشقى كەزەڭىنە قاتىسۋعا 13 مىڭ اسكەري قىزمەتشى نيەت بىلدىرگەن. پۋلعا ەڭ كوپ ۇپاي جيناعان قاتىسۋشىلار كىردى. ۇپاي سانىنا ٴبىرىنشى كەزەكتە ۇمىتكەردىڭ اسكەري قىزمەتتە وتكىزگەن جىلدارىنىڭ سانى ىقپال ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي