BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدەگى توتەنشە وقيعادان كەيىن بارلىق رەيستىك اۆتوبۋستار تەكسەرىلەدى

قازاقستان تەرريتورياسىندا بارلىق رەيستىك اۆتوبۋستار تەكسەرىلەدى، دەپ حابارلايدى baq.kz اقپارات اگەنتتىگى.

18 قاڭتار كۇنى بولعان اقتوبە وبلىسىنداعى اپاتقا بايلانىستى قر يدم كولىك كوميتەتىنىڭ ينسپەكسيا قىزمەتكەرلەرى مەن قر ٴىىم قىزمەتكەرلەرى بىرلەسىپ بۇكىل قازاقستان بويىنشا «اۆتوبۋس» جەدەل-پروفيلاكتيكالىق شاراسىن وتكىزەدى. 22 قاڭتار مەن 18 اقپان ارالىعىندا وتەتىن جەدەل-پروفيلاكتيكالىق شارا اياسىندا اۋدانارالىق، قالاارالىق، وبلىسارالىق جانە حالىقارالىق قاتىناستا جولاۋشىلاردى جانە باگاجدى تاسىمالدايتىن كولىكتەر مەن جۇرگىزۋشىلەر تەكسەرىلەتىن بولادى.

جولاۋشىلاردى تاسىمالدايتىن اۆتوبۋستاردىڭ جانە تاكسيلەردىڭ تەحنيكالىق اقاۋى بولسا جانە قاۋىپسىزدىك تالاپتارى ساقتالماعان جاعدايدا، كولىكتى ودان ٴارى پايدالانۋعا تىيىم سالاتىن شارالار قابىلدانادى.

بۇدان بولەك، جاسىرىن مارشرۋتتاردى انىقتاۋ ٴۇشىن كولىكتىك باقىلاۋ ينسپەكسياسىنىڭ قىزمەتكەرلەرى مەن قوعام وكىلدەرىنەن تۇراتىن موبيلدىك توپتار قۇرۋ تۋرالى شەشىم قابىلداندى.

رەيس الدىندا ٴاۆتوموبيلدىڭ مىندەتتى تەحنيكالىق جانە جۇرگىزۋشىنىڭ مەديسينالىق بايقاۋدان وتۋىنە، جۇرگىزۋشىلەردىڭ ەڭبەك جانە دەمالىس رەجيمىن ساقتاۋلارىنا باسا نازار اۋدارىلادى.

رەسپۋبليكامىزدىڭ اۆتوموبيل جولدارىنداعى جولاۋشىلار مەن باگاج تاسىمالداۋ ماسەلەلەرى بويىنشا «رۋبەج» قاراۋ-باقىلاۋ بەكەتتەرىندە باقىلاۋدى كۇشەيتۋ جونىندە قوسىمشا شارالار قابىلدانادى.

ەستەرىڭىزگە سالا كەتسەك، توتەنشە جاعداي 18 قاڭتاردا قالىباي اۋىلىنان 10 كم جانە وبلىس ورتالىعىنان 320 كم قاشىقتىقتا سامارا-شىمكەنت تراسساسىندا استانا ۋاقىتىمەن ساعات 10.30-دا بولدى. وزبەكستاننىڭ 57 ازاماتى وتىرعان «يكارۋس» ماركالى جولاۋشىلار اۆتوبۋسى ورتەندى. اقتوبە وبلىسىنىڭ تجد ٴباسپاسوز قىزمەتىنىڭ مالىمەتىنە سايكەس، جانىپ جاتقان اۆتوبۋستان 5 ادام شىعىپ ۇلگەرىپتى، 52 ادام قايتىس بولعان.

بۇدان كەيىن اقتوبەدە ورتەنگەن اۆتوبۋستىڭ ۆيدەوسى شىقتى.

سونىمەن قاتار، اۆتوبۋستاعى ورتتەن زارداپ شەككەندەردىڭ ٴاتى-جونى بەلگىلى بولدى، ولار اقتوبەگە جەتكىزىلدى. ولاردىڭ اراسىندا ٴۇش جۇرگىزۋشى، قازاقستان ازاماتتارى – 1985 جىلى تۋعان ماقسات پەرنەبەك، 1968 جىلى تۋعان نۇرجان قىرعىزبايەۆ، 1978 جىلى تۋعان بارات تاڭاتاروۆ بار. بارلىعى وڭتۇستىك قازاقستان وبلىسىنىڭ تۇرعىنى. قالعان ەكەۋى وزبەكستان ازاماتى – 1988 جىلى تۋعان احرور يساكوۆ جانە 1980 يسرويلدجان مىرزاحمەتوۆ.

وزبەكستان توتەنشە جاعدايلار مينيسترلىگى قازاقستاندا بولعان وقىس وقيعا ورنىنا دارىگەرلەر، ٴسىم جانە مينيسترلىك قىزمەتكەرلەرىن جىبەرۋ ٴۇشىن ۇشاق جىبەرەتىنىن حابارلاعان.

سونداي-اق، قازاقستان رەسپۋبليكاسىنىڭ ىشكى ىستەر ۆيسە-مينيسترى ەرلان تۇرعىمبايەۆ ٴباسپاسوز كونفەرەنسياسىندا اقتوبە وبلىسىندا بولعان اۆتوبۋس ٴورتىنىڭ الدىن الا سەبەبىن ايتىپ بەرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي