BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقمولا وبلىسىندا 8 ايدا 99 كولىك ورتەنگەن

اقمولا وبلىسى توتەنشە جاعدايلار دەپارتامەنتى 2018 جىلدىڭ 8 ايىندا وبلىسى اۋماعىندا اۆتوكولىك قۇرالدارىندا بولعان ورتتەرگە تالداۋ جۇرگىزدى، دەپ حابارلايدى baq.kz اقپارات اگەنتتىگى.

ساراپتاما ناتيجەسى بويىنشا وبلىسى اۋماعىندا 8 ايدا 99 ٴورت تىركەلگەن. بۇل وتكەن 2017 جىلعى وسىنداي مەرزىممەن سالىستىرعاندا 25،2% ارتىق. (2017 ج.-74 وقيعا تىركەلگەن).

تەكسەرۋ بارىسىندا 1991 جىلدان 2000 جىلعى ارالىقتا شىققان كولىكتەر ٴجيى ورتەنەتىنى انىقتالعان. ياعني ورتەنگەن 99 كولىكتىڭ 42،4 پايىزى نەمەسە، 42 كولىك.

ال ورتكە ورانعان كولىكتەر قاتارىندا 2001 جىلدان 2010 جىلعى ارالىقتا وندىرىلگەن كولىكتەر 33،3% (33 اۆتو) بولسا، 2011 جىلدان 2016 جىلعا دەيىنگى وندىرىلگەن كولىكتەردىڭ ورتەنۋ كورسەتكىشى - 20،2% (20 اۆتو). ٴبىر قىزىعى 90 جىلدارعا دەيىنگى شىققان اۆتوموبيلدەر سيرەك ورتەنگەن - 4% (4 اۆتو). بۇل وڭىردە ەسكى كولىك از ەكەنىن كورسەتسە كەرەك.

ورتەنگەن كولىكتەردىڭ ٴ74-ى جەڭىل اۆتوكولىك (74،7%)، ٴ17-سى جۇك كولىگى (17،1%) بولسا، 6-ى تراكتور (6%،)، ەكى اۆتوبۋس (2%).

ال وسى اۆتوكولىكتەردىڭ ورتەنۋىنەن كەلەتىن شىعىن مولشەرى وتكەن جىلمەن سالىستىرعاندا 3،6 ەسەگە وسكەن. ياعني، بىلتىر 20 ملن 781 مىڭ تەڭگە بولسا، بۇل كورسەتكىش بيىل 75 ملن 775 مىڭ تەڭگەگە جەتكەن.

بيىلعى كولىك قۇرالدارىندا تۇتانعان ٴورتتىڭ نەگىزگى سەبەپتەرى قوزعالتقىش بولىگىندە جانە ٴاۆتومومبيلدى باسقارۋ پانەلىندە ەلەكتر سىمدارىنىڭ تۇيىقتالۋىنان بولعان. ناقتى ايتار بولساق، وسى سەبەپپەن 81 (81،8%) ٴورت تىركەلسە، 10 (10،1%) وقيعا جانارماي جانە ٴتۇتىن شىعارۋ جۇيەسىنىڭ جارامسىز جاعدايىمەن بايلانىستى. ال وتتى ابايسىز قولدانۋ سالدارىنان 4 (4%) ٴورت شىقتى. مىسالى، قىزدىرۋ لامپاسىمەن قوزعالتقىشتى قىزدىرۋ، تەمەكى شەگۋ، كيىزبەن قوزعالتقىش بولىگىن جىلىتۋ جانە ت.ب. وقيعالار ٴورتتىڭ تۇتانۋىنا سەبەپ بولعان.

ساراپتاما ناتيجەسى انىقتاعاندا، اۆتوكولىكتى قاساقانا ورتەۋ جاعدايى دا تىركەلگەن. مۇنداي جاعداي بويىنشا 4 (4%) وقيعا انىقتالىپ وتىر.

كولىك ٴورتىن بولدىرماۋ ٴۇشىن جۇرگزۋشىلەرىنە تومەندەگى تالاپتاردى ساقتاۋ كەرەك:

1. ٴورت سوندىرگىش سايماندى كولىكتە قول جەتىمدى جەردە ۇستاۋ;

2. ەلەكتر سىمدارىن جارامدى جاعدايدا ۇستاۋ، ول ٴۇشىن ۇدايى تەحنيكالىق بايقاۋدان ٴوتىپ تۇرۋ;

3. ٴورت سوندىرگىشتى تەك قانا مامانداندىرىلعان دۇكەندەردەن ساتىپ الۋ جانە ونى ۇنەمى دايىندىعىن تەكسەرىپ تۇرۋ;

4. بۇرىن مىنىلگەن ٴاۆتوموبيلدى العان كەزدە ونىڭ ەلەكتر سىمدارىنىڭ ٴبارى دۇرىس ەكەنىنە كوز جەتكىزۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي