BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

50 ملن تەڭگەگە 230 م² پاتەر: شەنەۋنىكتەر قانداي ۇيدە تۇرادى؟

استانا، baq.kz ٴتىلشىسى. بۇگىن ٴماجىلىس دەپۋتاتى مەرۋەرت قازبەكوۆا قر پرەمەر-مينيسترى باقىتجان ساعىنتايەۆقا شەنەۋنىكتەر مەن قاراپايىم حالىقتىڭ ٴومىر ٴسۇرۋ ساپاسىنا قاتىستى دەپۋتاتتىق ساۋال جولدادى.

«اق جول» فراكسياسى بۇعان دەيىن دە شەنەۋنىكتەردىڭ اسقان تابەتى مەن ولاردىڭ باقۋاتتى ٴومىر سۇرۋگە تالپىنىسى جايلى، جانە بۇنىڭ بارلىعىنا قاراپايىم سالىق تولەۋشىلەردىڭ قارجىسى جۇمسالاتىنى تۋرالى ماسەلە كوتەرگەن بولاتىن. ٴقازىر جەر-جەرلەردەگى كىشكەنتاي باسشىلاردىڭ وزدەرى، كوللەدج بەن وبلىستىق فيلارمونيا ديرەكتورىنا دەيىن تاماشا دجيپتەر مەن سەداندار ساتىپ الادى. اكىمدىكتەردى ايتپاعاننىڭ وزىندە جاعداي سولاي. ەندى بيىل مەملەكەت ەسەبىنەن تۇرعىن ٴۇي سالاسىنداعى جەڭىلدىكتەردى پايدالانۋدىڭ زاڭسىز فاكتىلەرى انىقتالىپ جاتىر. جاقىندا عانا پاۆلوداردا باعاسى 50 ميلليون تەڭگە تۇراتىن اۋماعى 230 م² پاتەردىڭ جانە جالپى سوماسى 226 ملن تەڭگە بولاتىن قولايلىعى جوعارى بەس پاتەردىڭ ساتىپ الىنۋىنا قاتىستى داۋ شىققان بولاتىن. جانە دە، بۇل جاعدايدىڭ بىرەۋ ەمەس ەكەنى انىق، بۇل تەك ماسەلەنىڭ ٴبىر ۇشى عانا»، - دەدى قازبەكوۆا.

دەپۋتاتتىڭ ايتۋىنشا، بيىلعى جىلعى قىركۇيەكتە اتىراۋ قالاسىنىڭ اكىمدىگى جيھازى بار بەس بولمەلى تۇرعىن ٴۇيدى 58 ملن تەنگەگە ساتىپ العان.

ماجىلىسمەن وسكەمەن، شىمكەنت، كوكشەتاۋ قالالارىندا دا ەليتالى باسپانا ساتىپ الىنعانىن اتاپ ٴوتتى. ال باتىس قازاقستان وبلىسى اقساي قالاسىندا اۋدان اكىمىنىڭ ٴزاۋلىم ٴۇيىن جوندەۋ ٴۇشىن بيۋدجەتتەن 24 ملن تەڭگە بولىنگەن ەكەن.

«بۇل تەك ٴباسپاسوز بەن قوعامعا بەلگىلى بولعان فاكتىلەر. ال شىن مانىندە قالالار مەن اۋدانداردا ولاردىڭ ناقتى سانى قانشا ەكەنىن بولجاۋعا عانا بولادى. بۇل نىسانداردىڭ قانشاسى شىنايى باعامەن الىنعانى، ال قانشاسى قىمبات باعامەن قارجى جىمقىرۋ ٴۇشىن الىنعانى دا بەلگىسىز. ال، ەلىمىزدە مىڭداعان قاراپايىم ازامات يپوتەكاسىن تولەۋ ٴۇشىن كوپ نارسەدەن باس تارتادى. «7-20-25» باعدارلاماسى بويىنشا دا پاتەرلەر باعاسى شەكتەلگەن ٴارى تولەمدەرىن دە مىندەتتى تۇردە جاساۋ كەرەك. وسىنداي جاعدايدا كەيبىر شەنەۋنىكتەردىڭ ەشتەڭەدەن باس تارتپاي، كەرەمەت ٴومىر سۇرۋگە ۇمتىلۋى سىن تۋدىراتىنى انىق. شەنەۋنىكتەردىڭ وزدەرى تۇراتىن وبەكتىلەردى جەڭىلدىكپەن جەكەشەلەندىرىپ الاتىنىن دا جوققا شىعارۋعا بولمايدى. «اق جول» فراكسياسى شەنەۋنىكتەردىڭ قىزمەتتىك باسپانانى مەملەكەت ەسەبىنەن الۋ ولاردىڭ قاراۋىندا بولماۋى كەرەك جانە ول باعا پارامەترلەرىمەن ٴارى رۇقسات ەتىلگەن اۋدانمەن رەتتەلۋى ٴتيىس دەگەن پىكىردە»، - دەدى مەرۋەرت قازبەكوۆا.

ٴماجىلىس دەپۋتاتىنىڭ ايتۋىنشا، وسىعان وراي مەملەكەتتىك ورگاندار مەن بيۋدجەتتىك ۇيىمداردىڭ قىزمەتتىك باسپانا سالاسىن تەكسەرۋ كەرەك. تەكسەرۋ ناتيجەسىن پارلامەنت پەن قوعامعا جەتكىزۋ قاجەت. ەكىنشىدەن، زاڭ بۇزىشىلىقپەن قوسا، ادەپ بۇزۋشىلىق انىقتالعان جاعدايدا، كانىلىلەردى جاۋاپقا تارتۋ كەرەك. ۇشىنشىدەن، مەملەكەتتىك قىزمەتكەرلەردى قىزمەتتىك باسپانامەن قامتۋدىڭ ناقتى تالاپتارىن بەكىتۋ قاجەت. تورتىنشىدەن، قولايلى ٴارى كەڭىرەك باسپانادا تۇرعىسى كەلەتىن مەملەكەتتىك قىزمەتكەرلەرگە سوعان ٴوز قارجىسىمەن قول جەتكىزۋ مۇمكىندىگىن قاراستىرۋ كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي