BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

47 كەلى ٴدارى، 35 ليتر ىشىمدىك، 200 كەلى بالىق. شەكارا بۇزاتىندار ازايماي تۇر

استانا، baq.kz. شەكاراشىلار وتكەن تاۋلىكتە ەل اۋماعىنا زاڭسىز دارى-دارمەك پەن سپيرتتىك ىشىمدىك كىرگىزۋگە، ەلدەن توڭازىعان بالىق شىعارۋعا توسقاۋىل بولدى. بۇل تۋرالى قر ۇقك شق ٴباسپاسوز قىزمەتى حابارلادى.

"وڭتۇستىكتەگى سارىاعاش شەكارا وتريادىنىڭ «قاپلانبەك-اۆتو» وتكىزۋ بولىمشەسىندە شەكاراشىلار 19 جاستاعى قازاقستاندىقتى ۇستادى. ول «تويوتا كامري» اۆتوكولىگىمەن ەلىمىزگە وزبەكستاندا شىعارىلعان، جالپى سالماعى 47،2 كگ دارى-دارمەكتى ەشقانداي قۇجاتسىز اكەلە جاتقان ەكەن. جۇگى اكتىلەنىپ قاپلانبەك كەدەن بەكەتىنە تاپسىرىلدى" - دەلىنگەن حابارلامادا.

سونىمەن قاتار، باتىستاعى بەينەۋ شەكارا وتريادىنا قاراستى «تاجەن-اۆتو» وتكىزۋ بولىمشەسىنىڭ شەكارا ناريادى جەكەمەنشىك «لادا لارگۋس» اۆتوكولىگىمەن وزبەكستاننان كەلە جاتقان 32 جاستاعى قازاقستان ازاماتىنىڭ اۆتوكولىگىن تەكسەرۋ بارىسىندا زاڭسىز اكەلە جاتقان 35 ليتر سپيرتتىك ىشىمدىكتى تاۋىپ، اكتىلەپ، «تاجەن» كەدەن بەكەتىنە تاپسىردى.

"قوردايلىق شەكاراشىلار «قورداي-اۆتو» وتكىزۋ بولىمشەسىندە ٴبىزدىڭ ەلدەن قىرعىزستانعا قاراي جاياۋلاتىپ كەتىپ بارا جاتقان 46 جاستاعى قازاقستاندىقتى جانە 29 جاستاعى قىرعىزستاندىقتى ۇستادى. ولار ەشقانداي رۇقسات قۇجاتتارىنسىز، 200 كگ كولەمىندەگى توڭازىعان فورەل بالىعىن وزدەرىمەن الىپ وتپەك بولىپتى" - دەيدى شەكارا قىزمەتى.

وزەن بايلىعى اكتىمەن قورداي اۋداندىق ۆەتسانيتارلىق ينسپەكسياسىنا تاپسىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي