BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

230-دان استام جازاسىن وتەۋشى جۇمىسقا ورنالاستى

استانا، baq.kz. استانادا جازاسىن وتەپ كەلگەندەردى قولداۋدى قامتاماسىز ەتۋ بويىنشا وزەكتى ماسەلەلەر تالقىلاندى. بۇل تۋرالى استانا قالاسى اكىمدىگىنىڭ رەسمي سايتى جازدى.

جۇمىسپەن قامتۋ جانە الەۋمەتتىك قورعاۋ باسقارماسىنىڭ قولداۋىمەن «قىزمەت كورسەتۋ بويىنشا كاسىپكەرلىك قىزمەتتى دامىتۋ جانە باس بوستاندىعىنان ايىرۋ ورىندارىنان بوساتىلعان ادامدار ٴۇشىن جۇمىس ورىندارىن قۇرۋ» جوباسى جۇزەگە اسىرىلۋدا. وسى باعدارلاما اياسىندا 1254 ادامعا جان-جاقتى كومەك كورسەتىلگەن. جوبانى «وڭالتۋ تەحنولوگيالارى مەن تۇجىرىمدامالار» قوعامدىق قورى ىسكە اسىرۋدا.

«ٴبىزدىڭ قوردىڭ باستى مىندەتى جازاسىن وتەپ كەلگەندەرگە بارىنشا قولداۋ ٴبىلدىرۋ. وسى جىلى ٴبىز 230 جازاسىن وتەپ كەلۋشىگە جۇمىسقا تۇرۋعا كومەك بەردىك. 35 ادامعا جەكە كاسىپكەرلىك اشۋعا كومەكتەستىك. ارينە، بۇل جۇمىستار جازاسىن وتەپ كەلگەندەردىڭ ومىرگە دەگەن قۇلشىنىسىن وياتادى، ٴوز ىستەرىن باستاعان ولار وزگەلەرگە ۇلگى بولۋدا جانە سولاردى جۇمىسقا الۋدا. بۇل سوتتالىپ كەلگەندەردى ومىرگە بەيىمدەۋگە جانە قىلمىس جاساماۋعا سەپتىگىن تيگىزۋدە»، - دەدى قوعامدىق قوردىڭ دي⁠رەكتورى ورىنباسار قۇلجابايەۆا.

ونىڭ سوزىنشە، وزدەرىنە ٴوتىنىش بىلدىرە كەلگەن جانداردى ولار ساۋدا جانە قىزمەت كورسەتۋ سالاسىنا جۇمىسقا ورنالاستىرۋدا.

«ٴبىز ولاردى قۇرىلىس، اعاش كونسترۋكسيالارى مەن ۇستالىق، اعاش شەبەرى، جيھاز سەحتارى، تجو جانە تاعى باسقا سالالارعا جۇمىسقا ورنالاستىرۋعا كومەكتەسەمىز. وسى جىلى قور 1300 ادامعا كومەك بەردى، ونىڭ ىشىندە 722 ادامعا پسيحولوگيالىق كومەك جاسالدى، 29 ادام اۋرۋحاناعا جاتقىزىلدى، 30-دان استام سوتتالعانعا ٴبىز قۇجاتتارىن رەتتەۋگە جاردەمدەستىك»، - دەيدى و. قۇلجابايەۆا.

سپيكەردىڭ ايتۋىنشا، جازاسىن وتەپ كەلگەندەر ٴۇشىن جۇمىسقا تۇرۋ تۇراقتىلىقتى قامتاماسىز ەتۋ جانە سوتتىلىقتى جويۋ ٴۇشىن ماڭىزدى ستيمۋل. ارينە، قور قىزمەتكەرلەرى جۇمىس بارىسىندا ٴتۇرلى جاعدايلارعا دا تاپ بولادى.

«كەيدە ولاردى جۇمىسقا المايدى، السا دا زەينەتاقى اۋدارمايدى، ولاردىڭ 50 % جك-دە، جشس-تە جالدانىپ جۇمىس جاسايدى. ەكىنشى ماسەلە تۇراتىن جەر. ۇزاق جىل جازاسىن وتەپ شىققاندار پاتەرلەرىنەن ايىرىلادى، بوساپ شىققان سوڭ مۇراگەرلىكتى راسىمدەي الماي، تۇرعىن ٴۇيدى جەكەشەلەندىرە الماي جۇرەدى. ٴسويتىپ ٴۇيسىز، كۇيسىز قالادى»، - دەدى جازاسىن وتەگەندەردىڭ ماسەلەسىن جەتكىزگەن قور دي⁠رەكتورى.

سونداي-اق و. قۇلجابايەۆا سوتتالىپ كەلگەندەردى الەۋمەتتىك جاتاقحانامەن قامتاماسىز ەتۋدى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي