BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2019-2020 جىلدارعا ارنالعان ۇات توپتارىنىڭ قاتىسۋشىلارى ىرىكتەلدى

استانا، baq.kz. قر ومبۋدسمەن جانىنداعى ۇيلەستىرۋ كەڭەسى 2019-2020 جىلدارعا ارنالعان ۇات توپتارىنىڭ قاتىسۋشىلارى مەن باسشىلارىن ىرىكتەپ الدى.

استانادا قر ادام قۇقىقتارى جونىندەگى ۋاكىل اسقار شاكىروۆتىڭ توراعالىعىمەن ازاپتاۋلاردىڭ جانە باسقا دا قاتىگەز قارىم-قاتىناس تۇرلەرىنىڭ الدىن الۋ جونىندەگى ۇلتتىق الدىن الۋ تەتىگىنىڭ ۇيلەستىرۋ كەڭەسىنىڭ وتىرىسى ٴوتتى.

ۇات قۇرامىنا ىرىكتەۋ ناتيجەسىندە 179 ۇمىتكەردەن 109 قاتىسۋشى قابىلداندى، ونىڭ ىشىندە ايماقتىق توپتار قۇرىلىپ، ولاردىڭ باسشىلارى تاعايىندالدى.

بۇۇ ازاپتاۋدى بولدىرماۋ جونىندەگى كىشى كوميتەتىنىڭ ۇسىنىسىنا سايكەس ۇات قاتىسۋشىسىنىڭ ماندات مەرزىمى ٴبىر جىلدان ەكى جىلعا دەيىن ۇلعايتىلدى.

وتكەن جىلعى ۇات جۇمىسىنىڭ ناتيجەلەرىن قورىتىندىلاي كەلە، قر ومبۋدسمەنى مانداتپەن باسقارىلاتىن مەكەمەلەردە ادام قۇقىقتارىن ساقتاۋ جاعدايلارىن جاقسارتۋداعى جوعارى كورسەتكىشتەرىن اتاپ ٴوتتى. سونداي-اق، بۇل مەكەمە مەملەكەتتىك دامۋدىڭ وڭ كورسەتكىشى جانە ۇلتتىق زاڭناماعا حالىقارالىق ستاندارتتاردى ەنگىزۋدىڭ ۇلگىسى بولىپ تابىلاتىنىن اتاپ ٴوتتى.

وتىرىس بارىسىندا ۇات قاتىسۋشىلارىنىڭ 2018 جىلعى جىل سايىنعى شوعىرلاندىرىلعان بايانداماسىن دايىنداۋ بارىسى تۋرالى اقپارات تىڭدالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي