BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2018 جىلى زەينەت جاسى دا، زەينەتاقى دا ارتادى

كەلەسى جىلى ەلىمىزدىڭ الەۋمەتتىك سالاسىندا ٴبىرقاتار وزگەرىس بولادى. ولاردىڭ ٴبىرى - ايەلدەردىڭ زەينەتكەرلىك جاسىنىڭ ۇلعايۋى. دالىرەك ايتساق، ايەلدەردىڭ زەينەتكە شىعۋ جاسى 2018 جىلدان باستاپ 2027 جىلعا دەيىن جىل سايىن 6 ايدان ارتىپ وتىرادى. ياعني، جاڭا جىلدان باستاپ ايەلدەر 58،6 جاسقا تولعان كەزدە عانا زەينەتكە شىعا الادى. baq.kz ٴتىلشىسى جۇرتقا تۇسىنىكتى بولۋ ٴۇشىن قازاقستاندىقتاردىڭ جاڭا جۇيە بويىنشا قاشان زەينەتكە شىعاتىنىن انىقتاعان ەدى.

«قازاقستان رەسپۋبليكاسىنىڭ زاڭناماسىندا ەر ادامدار ٴۇشىن زەينەتكە شىعاتىن جاس – 63 جاس، ال ايەلدەر ٴۇشىن - 58 جاس. سونىمەن قاتار، 2018 جىلعى 1 قاڭتاردان باستاپ ايەلدەردىڭ زەينەتكەرلىك جاسىن كەزەڭ-كەزەڭىمەن 58 جاستان 63 جاسقا ارتتىرۋدى كوزدەيتىن نورما كۇشىنە ەنەدى. وسىعان وراي، ايەلدەردىڭ زەينەتكەرلىك جاسىن ارتتىرۋ 2018 جىلدان باستاپ 2027 جىل ارالىعىندا، 10 جىل ىشىندە 6 اي سايىن جۇزەگە اسىرىلاتىن بولادى. بۇل شارا، 1960 جىلى جانە ودان كەيىن تۋعان ايەلدەرگە قاتىستى بولادى. مىسالى، 1964 جىلعى 1 قاڭتاردان 30 ماۋسىمعا دەيىن تۋعان ايەلدەر 62 جاس 6 اي تولعان كەزدە زەينەتكە شىقسا، 1964 جىلعى 1 شىلدەدەن 31 جەلتوقسانعا دەيىن تۋعان ايەلدەر 63 جاسقا تولعان كەزدە زەينەتكە شىعادى»، - دەپ ٴتىلشىنىڭ رەسمي ساۋالىنا ەڭبەك جانە حالىقتى الەۋمەتتىك مينيسترلىگى جاۋاپ بەردى.

زەينەتكەرلىك جاسى ۇلعايعانىمەن، ايەلدەرگە زەينەتكە ەرتە شىعۋ مۇمكىندىكتەرى ساقتالعان، ولار:

- 5 جانە ودان دا كوپ بالا تۋعان (اسىراپ العان) جانە ولاردى سەگىز جاسقا دەيىن تاربيەلەگەن ايەلدەرگە 53 جاسقا تولعاندا;

- توتەنشە جانە رادياسيا ٴقاۋپى ەڭ جوعارى ايماقتاردا 1949 جىلعى 29 تامىز – 1963 جىلعى 5 شىلدە ارالىعىندا كەمىندە 5 جىل تۇرعان ايەلدەر 45 جاسقا تولعاندا;

- زەينەتاقى جيناقتارى جەتكىلىكتى بولعان كەزدە (2017 جىلى - 12،4 ملن تەڭگە)، زەينەتاقى اننۋيتەتى شارتىن جاساسقان جاعدايدا - 50 جاسقا تولعاندا.

ياعني، وسى جاسىندا جيناقتاۋشى زەينەتاقى جۇيەسىنەن زەينەتاقى تولەمدەرىن تاعايىنداۋ قۇقىعى بار بولادى.

بۇعان قوسا، ايەلدەرگە جاسىنا بايلانىستى زەينەتاقى تاعايىنداۋ ٴۇشىن ەڭبەك ٴوتىلىن جۇمىس iستەمەيتiن انانىڭ جاس بالالاردى باعىپ-كۇتكەن، بiراق ٴاربiر بالا 3 جاسقا تولعانعا دەيىن جالپى جيىنتىعى 12 جىل شەگiنەن اسپايتىن ۋاقىتتى ەسەپكە الۋ جەڭىلدىگى ساقتالعان.

ۆەدومستۆو مالىمەتىنشە، جاسىنا بايلانىستى زەينەتاقى تولەمدەرىن تاعايىنداۋ كەزىندە تەك 1998 جىلعا دەيىنگى ەڭبەك ٴوتىلى ەسەپكە الىنادى. ال، 1998 جىلعى 1 قاڭتاردان كەيىنگى ەڭبەك ٴوتىلى ٴۇشىن جيناقتاۋشى زەينەتاقى قورىنا اۋدارىلعان مىندەتتى زەينەتاقى جارنالارى ەسەبىنەن قالىپتاسقان زەينەتاقى تولەمدەرى بەرىلەدى.

زەينەت جاسىنا كەلگەن ازاماتتار زەينەتكە شىعۋ ٴۇشىن قولدانىستاعى زاڭناماعا سايكەس كەلەسى قۇجاتتاردى ۇسىنادى:

1) جەكە كۋالىك;

2) تۇرعىلىقتى تۇراتىن جەرى بويىنشا تىركەلگەنىن راستايتىن قۇجات;

3) ەڭبەك كiتاپشاسى;

4) بiلiمi تۋرالى قۇجات;

5) اسكەري بيلەت نەمەسە قورعانىس ىستەرى جونىندەگى باسقارمانىڭ (ٴبولىمنىڭ) انىقتاماسى;

4) جۇمىستاعى ۇزىلىستەرگە قاراماستان، 1995 جىلعى 1 قاڭتاردان بەرگى كەزەڭدەگى قاتارىنان كەز كەلگەن 3 جىلعى ورتاشا ايلىق تابىسى تۋرالى ۇيىمنىڭ (كاسىپورىننىڭ) انىقتاماسى.

قاجەتتى قۇجاتتاردىڭ تولىق ٴتىزىمى «مەملەكەتتiك بازالىق زەينەتاقى تولەمiن بيۋدجەت قاراجاتى ەسەبiنەن بەرۋ، سونداي-اق ۋاكىلەتتى ۇيىمنان تولەنەتىن زەينەتاقى تولەمدەرىن، مۇگەدەكتىگى بويىنشا، اسىراۋشىسىنان ايىرىلۋ جاعدايى بويىنشا جانە جاسىنا بايلانىستى بەرىلەتىن مەملەكەتتىك بازالىق الەۋمەتتىك جاردەماقىلاردى، مەملەكەتتىك ارنايى جاردەماقىلاردى تاعايىنداۋ جانە جۇزەگە اسىرۋ قاعيدالارى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ٴمينيسترىنىڭ 2015 جىلعى 14 ساۋىردەگى № 223 بۇيرىعىندا بەكىتىلگەن.

زەينەتاقى تاعايىنداۋ تۋرالى تولىق مالىمەت الۋ ٴۇشىن ازاماتتار قاجەت قۇجاتتارىمەن تۇرعىلىقتى جەرى بويىنشا حالىققا قىزمەت كورسەتۋ ورتالىعىنا بارۋى قاجەت. سونداي-اق، «ازاماتتارعا ارنالعان ۇكىمەت» مەملەكەتتىك كورپوراسياسى اقپاراتتىق كەڭەس ورتالىعىنىڭ (call-سەنتر) 1414 نومەرلى تەلەفونىنا تەگىن حابارلاسىپ، تولىق مالىمەت الۋعا بولادى.

ەڭبەك جانە حالىقتى الەۋمەتتىك مينيسترلىگىنىڭ مالىمەتىنشە، زەينەتاقى جاسى ۇلعايعانىمەن، 2018 جىلعى 1 قاڭتاردان باستاپ جىل سايىنعى جاسىنا بايلانىستى زەينەتاقى تولەمدەرى 8%-عا وسەدى. سونىمەن قاتار، ەڭ تومەنگى كۇنكورىس دەڭگەيىنىڭ شاماسىنىڭ وزگەرۋىنە بايلانىستى مەملەكەتتىك بازالىق زەينەتاقى تولەمىنىڭ مولشەرى دە ارتادى.

اتاپ وتسەك، بۇعان دەيىن 2018 جىلى حالىققا كورسەتىلەتىن الەۋمەتتىك كومەكتەر جايلى دا حابارلاعان ەدىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي