2018 جىلدىڭ 9 ايىندا وپەراسيالىق تابىس 2،5 ەسەگە ارتتى

استانا، baq.kz. «قازاقستان تەمىر جولى» ۇك» اق 2018 جىلدىڭ 9 ايىنداعى جۇمىس قورىتىندىسى بويىنشا جۇكاينالىمىنىڭ كولەمى 162،4 ملرد. تكم. جەتىپ، 2017 جىلدىڭ سايكەس كەزەڭىمەن سالىستىرعاندا 8% ارتتى. بۇل تۋرالى «قازاقستان تەمىر جولى» ۇك» اق ٴباسپاسوز قىزمەتى حابارلايدى.

جۇك اينالىمىنىڭ ٴوسىمى ەكسپورتتىڭ – 10%، ترانزيتتىك قاتىناستىڭ – 26،4% ٴوسىمى ەسەبىنەن جۇزەگە اسىپ وتىر. رەسەي – قىتاي، رەسەي – يران، رەسەي – ورتالىق ازيا، قىتاي – ورتالىق ازيا جانە قىتاي – ەۋروپا باعىتتارى بويىنشا قۇرىلىس، استىق، حيميكاتتار مەن سودا، تىڭايتقىشتار، قارا مەتالل، تەمىر رۋداسى سياقتى جۇكتەردىڭ تاسىمالى ارتقان.

2018 جىلدىڭ 9 ايىنداعى نەگىزگى جۇمىسىنىڭ ناتيجەسىندە 777 ملرد. تەڭگە تابىس الىندى. 2017 جىلدىڭ سايكەس مەرزىمىمەن سالىستىرعاندا 117 ملرد. تەڭگەگە نەمەسە ۆاگونداردى تيەمدى پايدالانۋ مەن جونەلتۋ، جۇك ۆاگوندارىن جالعا بەرۋ، تاريفتەردى كوتەرۋ، جۇكاينالىمىن ارتتىرۋ ەسەبىنەن 18% ٴوستى.

2018 جىلدىڭ 9 ايىندا وپەراسيالىق تابىس 118 ملرد. تەڭگەنى قۇراپ، 2017 جىلدىڭ سايكەس مەرزىمىمەن (48 ملرد. تەڭگە) سالىستىرعاندا 2،5 ەسەگە ارتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!