استانا، baq.kz. قايرات قوجامجاروۆتىڭ توراعالىعىمەن وتكەن باس پروكۋراتۋرانىڭ القا وتىرىسىندا ەلەكتر قۋاتى مەن جىلۋدىڭ باعاسىن قالىپتاستىرۋداعى زاڭدىلىق تالقىلاندى.
17084
0 
استانا: 
3107 
0
استانا، baq.kz. قايرات قوجامجاروۆتىڭ توراعالىعىمەن وتكەن باس پروكۋراتۋرانىڭ القا وتىرىسىندا ەلەكتر قۋاتى مەن جىلۋدىڭ باعاسىن قالىپتاستىرۋداعى زاڭدىلىق تالقىلاندى.
القا جۇمىسىنا قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى عابيت بايجانوۆ، «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ، ورتالىق مەملەكەتتىك ورگاندار مەن مونوپوليست-كاسىپورىنداردىڭ باسشىلارى قاتىستى.
باس پروكۋرور قاتىسۋشىلارعا مەملەكەت باسشىسىنىڭ قازانداعى جولداۋىندا تۇرعىن ۇي-كوممۋنالدىق شارۋاشىلىق جانە تابيعي مونوپوليالار كورسەتەتىن قىزمەتتەردىڭ اقىسىن وسىرمەۋ تۋرالى تاپسىرماسىن ەسكە سالدى.
«پرەزيدەنت مونوپوليستەردىڭ قىزمەتىنە ٴتيىمدى مونيتورينگ جاساۋعا جانە باعا ورناتۋ كەزىندە اشىقتىقتى قامتاماسىز ەتۋدى تالاپ ەتتى. تاريف ماسەلەسى حالىق ٴۇشىن وتە ماڭىزدى، ويتكەنى وتباسىلىق بيۋدجەتتەن كوممۋنالدىق قىزمەتتەرگە ايتارلىقتاي قارجى جۇمسالادى»، - دەدى ق. قوجامجاروۆ.
ول تاريف بەلگىلەۋگە قاتىستى ٴبىرقاتار سالالىق پروبلەمالاردى، سونىڭ ىشىندە ەنەرگەتيكا جانە ۇلتتىق ەكونوميكا مينيسترلىگى تاراپىنان مەملەكەتتىك باقىلاۋدىڭ ٴتيىستى دەڭگەيدە جۇرگىزىلمەگەنىن اتاپ ٴوتتى.
ماسەلەن، «استاناەنەرگوسبىت» ٴتاريفتى قالىپتاستىرۋ كەزىندە ەلەكتر ەنەرگياسىن 11،8 تەڭگەدەن ساتىپ الاتىنىن كورسەتكەن، ٴىس جۇزىندە 2 ەسە ارزانعا ساتىپ العان.
ناتيجەسىندە ەلوردا تۇرعىندارىنان 2،6 ملرد. تەڭگەگە ارتىق قارجى الىندى.
وسىنداي جولمەن اتىراۋ، الماتى، اقتوبە، قىزىلوردا جانە شىعىس قازاقستان وبلىستارىنداعى جابدىقتاۋشىلار ارەكەت ەتىپ، 1 ملرد. تەڭگە كولەمىندە نەگىزسىز پايدا تاپقان.
مونوپوليستەر پروكۋرورلىق شارالاردىڭ ناتيجەسىندە 5 ملن. تۇتىنۋشىعا 13 ملرد. تەڭگەگە جۋىق شىعىندى وتەدى.
سونىمەن قاتار 14 وڭىردە ەلەكتر قۋاتى مەن جىلۋدىڭ باعاسى تومەندەتىلدى. وعان دەيىن قاپشاعاي قالاسىندا ٴبىر بولمەلى پاتەردى جىلىتۋ ٴۇشىن شامامەن 9،5 مىڭ تەڭگە تولەنسە، قابىلدانعان شارالاردان كەيىن اقىسى 4،5 ەسەگە تومەندەپ، 2،2 مىڭ تەڭگەنى قۇرادى.
باس پروكۋرور ٴسوزىن قورىتىندىلاي كەلە تابيعي مونوپوليالار سۋبەكتىلەرىنىڭ باسشىلارىنا قوعام الدىنداعى الەۋمەتتىك جاۋاپكەرشىلىكتى سەزىنىپ، جۇمىس ٴتاسىلىن وزگەرتۋگە شاقىردى.
القا وتىرىسىنىڭ قورىتىندىسى بويىنشا ٴتاريفتى قالىپتاستىرۋ كەزىندە اشىقتىق دەڭگەيىن ارتتىرۋعا باعىتتالعان ٴبىرقاتار ناقتى ۇسىنىستار قابىلداندى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
