استانا: 
6006 
0
بەلگىلى قازاق اقىنى جەڭىس قاشقىنوۆتىڭ بالاسى، اۋدارماشى، جۋرناليست ەرنات قاشقىنوۆ ساكەن سەيفۋلليننىڭ 100 جىلدىعىنا ارنالعان رەسپۋبليكالىق ٴمۇشايرانىڭ بەينەجازباسىن ساكەن سەيفۋللين مۋزەيىنە تاپسىردى، دەپ حابارلايدى baq.kz اقپارات اگەنتتىگى.
"بۇل بەينەتاسپا اكەمنىڭ جەكە مۇراعاتىنان تابىلدى. ساكەن سەيفۋلليننىڭ 100 جىلدىعىنا ارنالعان رەسپۋبليكالىق ٴمۇشايرا قاراعاندى وبلىسى جاڭاارقا اۋدانىنىڭ ورتالىعى اتاسۋدا 1994 جىلى ۇيىمداستىرىلعان" - دەيدى بەينەتاسپانى تاپسىرعان ەرنات قاشقىنوۆ.
ساكەن سەيفۋللين مۋزەيىنىڭ ديرەكتورى، اقىن، مەملەكەتتىك سىيلىقتىڭ لاۋرەاتى نەسىپبەك ايت ۇلى بەينەتاسپانى ەرەكشە قۋانىشپەن قابىلداپ، رۋحاني ٴمانى زور قۇندى دۇنيەنى مۋزەيگە تابىس ەتكەن ەرنات قاشقىنوۆقا شەكسىز العىسىن ٴبىلدىردى.
"بەينەجازبادا جىر دوداسىندا ولەڭدەرىن وقىعان 25 اقىننىڭ بەينەسى بار. زىرلاعان ۋاقىتتا تۇرلاۋ بارما دەسەڭىزشى. سودان بەرى شيرەك عاسىر ٴوتتى. سونداعى جىر دوداعا قاتىسقان عافۋ قايىربەكوۆ، اسقار ەگەۋبايەۆ، كاكىمبەك سالىقوۆ، جەڭىس قاشقىنوۆ قاتارلى اقىندار بۇگىندە باقيلىق بولعان. رۋحاني قازىناعا جانە اكەدەن قالعان مۇراعا ويلاممەن قارايتىن ەرنات قاشقىنوۆتىڭ ەڭبەگىنە ەل ريزا بولارى انىق. وتكەن تاريحتىڭ كۋاسىنداي بولعان اتالمىش بەينەتاسپا الداعى ۋاقىتتا ەل كادەسىنە جارارى ٴسوزسىز" - دەيدى مۋزەي ديرەكتورى نەسىپبەك ايت ۇلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
ەرجان جاۋباي 
5042
0