BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساكەن مۋزەيىنە اقىننىڭ فارفوردان جاسالعان ٴمۇسىنى قويىلدى

استاناداعى ساكەن سەيفۋللين مۋزەيىندە اقىن شىعارماشىلىعىنا ارنالعان يگى ٴىس-شارا ٴوتتى. شاراعا اقىن شىعارماشىلىعىن زەرتتەپ جۇرگەن عالىمدارمەن قاتار، اقىن-جازۋشىلار، قوعام قايراتكەرلەرى، جۋرناليستەر، انشىلەر قاتىستى، دەپ حابارلايدى baq.kz اقپارات اگەنتتىگى.

س.سەيفۋللين مۋزەيىنىڭ ديرەكتورى، بەلگىلى اقىن، مەملەكەتتىك سىيلىقتىڭ يەگەرى نەسىپبەك ايت ۇلى ساكەن جايلى كىتاپتىڭ جارىققا شىعۋى مەن اقىن ٴمۇسىنىنىڭ جاسالۋى جايلى توقتالدى.

"قاراشاڭىراقتا ۇلى اقىن ساكەننىڭ رۋحىنا ارنالعان كوپتەگەن شارالار ٴوتىپ جاتىر. بۇگىن ٴۇش شارا وتكىزەيىك دەپ وتىرمىز. ٴبىرىنشىسى – ساكەننىڭ فارفوردان جاسالعان ٴمۇسىنىنىڭ اشىلۋ سالتاناتى. ەكىنشىسى – «تار جول، تايعاق كەشۋ» رومانىنا تەكستولوگيالىق تالداۋ. بيىل ٴۇشىنشى جىل «سىر ساندىق» سەرياسىمەن كىتاپتار شىعارىپ جاتىرمىز. ٴبىرىنشى كىتاپ «كورگەندەردىڭ كوزىمەن، ساكەننىڭ سالعان ىزىمەن» دەگەن اتاۋمەن جارىق كوردى. ەكىنشى كىتاپتى ساكەندى زەرتتەۋشى ۇلى عالىم تۇرسىنبەك كاكىش ۇلى اعامىز تۋرالى ەستەلىكتەردى جيناقتاپ، ول كىسىنىڭ ومىردەن وتكەنىنىڭ ٴبىر جىلدىعى قارساڭىندا شىعاردىق. ودان كەيىنگى ٴۇشىنشى كىتاپ «تار جول، تايعاق كەشۋدىڭ» تەكستولوگيالىق تالداۋ كىتابىنىڭ بوياۋى ٴالى كەپكەن جوق، كەشە عانا قولىمىزعا الدىق. «تار جول، تايعاق كەشۋدىڭ» العاشقى نۇسقاسى مەن كەيىن باسپا بەتىن كورگەن نۇسقالارىنىڭ اراسىندا كوپتەگەن وزگەرىستەر بولعان. ٴتۇپنۇسقا مەن كەيىن جاريالانعان كىتاپتاردىڭ اراسىندا ايىرماشىلىق بار. سونى سارالاپ، ٴبىزدىڭ قىزدارىمىز 2 جىل وتىردى، كوپ ەڭبەك ٴسىڭىردى، ايىرماشىلىعىن انىقتادى. ٴبىر كىتاپ بولادى دەپ ويلاعان ەدىك. ٴبىر كىتاپقا سىيماي قالدى. سوندىقتان جارتىسىن بيىل، كىتاپتىڭ جالعاسى «سىر ساندىقتىڭ» ٴتورتىنشى كىتابى بولىپ كەلەسى جىلى شىعادى. كىتاپتىڭ اڭداتپاسىن جازعان – ەركەگۇل ارىققاراقىزى، ٴالعىسوزىن ۇلكەن عالىم، ساكەنتانۋشى كۇلاش احمەتوۆا جازدى. كىتاپقا ورالباي ابدىكارىموۆ پەن ساكەن سەيفۋللين دەمەۋشىلىك جاسادى"، - دەيدى نەسىپبەك ايت ۇلى.

ساكەن سەيفۋلليننىڭ فارفوردان جاسالعان ٴمۇسىنىن قوعام قايراتكەرى ورالباي ابدىكارىموۆ پەن مۋزەيدىڭ العاشقى ديرەكتورى روزا اسىلبەكوۆا اشتى. ٴمۇسىن اقىننان اينىمايدى، كوستيۋمىنە دەيىن اينىتپاي سالىپ، سىرتىنان قازاقي شاپان كيگىزگەن ەكەن. شاراعا جينالعان قاۋىمنىڭ ۇزاق قول شاپالاقتاپ قۇرمەت كورسەتكەنىنەن-اق ٴمۇسىننىڭ كوپشىلىكتىڭ كوڭىلىنەن شىققانىن بايقاۋعا بولادى. بۇل ويدى ساكەنتانۋشى عالىم كۇلاش احمەتوۆا دا قۇپتادى.

"ساكەننىڭ ەسكەرتكىشى الاش ازاماتتارىنىڭ، قازاقتىڭ ۇلكەن تۇلعالارىنىڭ ىشىندە كوپ قالالاردا قويىلدى. سونىڭ ىشىندە ساكەن مۋزەيىنىڭ اۋلاسىندا ٴبىر ەسكەرتكىش، ىشىندە ٴبىر ەسكەرتكىش بولىپ تۇرسا، ارتىق ەتپەيدى. بۇل ناعىز ساكەننىڭ ساكەن ەكەنىن كورسەتەتىن ەسكەرتكىش ەكەن. مۇنى نەسىپبەك ايت ۇلىنىڭ مۋزەيدى باسقارىپ وتىرعان جىلدارداعى جەمىستى ەڭبەگىنىڭ ٴبىر پاراسى دەپ بىلەمىن. ۇرپاققا مۇرا بولىپ قالاتىن شىن مانىندەگى رۋحاني مۇرا بولسا، سول رۋحاني دۇنيەنىڭ ٴبىرى – وسى ەسكەرتكىش"، - دەدى كۇلاش احمەتوۆا.

بۇدان كەيىن «تار جول، تايعاق كەشۋ» رومانىنىڭ تەكستولوگيالىق ماتىنىنە تالداۋ جاسالعان كىتاپتىڭ تۇساۋىن اتاقتى جازۋشى، قوعام قايراتكەرى سۇلتان ورازالين مەن ساكەنتانۋشى عالىم كۇلاش احمەتوۆا كەستى. تۇساۋكەسەردەن كەيىن ٴسوز العان جازۋشى سۇلتان ورازالين ساكەن ەسكەرتكىشىنىڭ ٴساتتى شىققانىن ايتتى.

"ٴدال مىنانداي ەسكەرتكىشتى وسىعان دەيىن كورگەنىم جوق. ساكەننىڭ شىن تۇلعاسى، ناعىز بەينەسى وسى ەسكەرتكىش ارقىلى جارقىن كورىنگەندەي. وسىندا كەلەردە باسىن قويىپ قويا ما، كەۋدەسىنە دەيىن مۇسىندەي مە دەپ كەلىپ ەدىم. قازىرگى ەسكەرتكىشتەر سونداي عوي. مىناۋ ٴبىر توسىن نارسە ەكەن. قۇتتى بولسىن!"، – دەدى ٴمۇسىن جايلى جىلى لەبىزىن بىلدىرگەن جازۋشى.

ال ساكەن مۇراسىنا جاناشىرلىق تانىتىپ جۇرگەن قوعام قايراتكەرى ورالباي ابدىكارىموۆ ساكەننىڭ ارتىندا قالعان مۇراسىنىڭ تۇگەندەلۋىن ەرەكشە اتاپ ٴوتتى.

"كىتاپتىڭ قۇندىلىعى – سول زاماننىڭ ەشقانداي قوسپاسىز تۋرا كورىنىسى. «تار جول، تايعاق كەشۋ» – قازاق ادەبيەتىندەگى مەمۋارلىق ٴبىرىنشى رومان. ٴارتۇرلى ساياسي يدەولوگياعا بايلانىستى وزگەرتۋلەر ەنگىزىلگەن، كەيبىر تۇستارى الىنىپ تاستاعان ەدى. ال ەندى قاز-قالپىندا، سول كۇيى جاريالانىپ وتىر. قازىرگى ۇرپاق وتكەن زاماننىڭ ناعىز اقيقاتىن وسى كىتاپتان وقيتىن بولادى دەپ ويلايمىن"، - دەدى ورالباي ابدىكارىموۆ.

بۇكىل ٴومىرىن ساكەنگە ارناپ، ساكەننىڭ مۋزىكالىق مۇراسىن زەرتتەپ، كىتاپتار جازىپ، اندەرىن ناسيحاتتاپ جۇرگەن سەرىك وسپانوۆتىڭ 60 جىلدىق مەرەيتويى دا اتالمىش شارا قارساڭىنا ٴدال كەلگەن ەكەن. مۋزەي ديرەكتورى مەرەيتوي يەسىنە شاپان جاۋىپ، ارنايى قۇتتىقتادى. وسىلاي ساكەنگە قۇرمەت كورسەتىپ جۇرگەن ازاماتتىڭ وزىنە دە قۇرمەت كورسەتىلدى.

بۇدان كەيىن ٴسوز العان بەلگىلى ٴانشى قايرات بايبوسىنوۆ ەسكەرتكىش تۋرالى «ساكەننىڭ وزىنەن اۋمايدى، تەك بويى نەسىپبەككە ۇقساپ كەتىپتى» دەپ ازىلدەپ، مۋزەي قورىنا ۇستازدارىنان ۇيرەنگەن، جان-جاقتان جيناعان اندەرىنىڭ ٴسوزى جاريالانعان كىتاپتى سىيعا تارتتى.

س.سەيفۋللين مۋزەيىنىڭ العاشقى ديرەكتورى روزا اسىلبەكوۆا ۇلىلارىمىزدىڭ اماناتىنا ادالدىق جونىندە اڭگىمەلەسە، ٴداستۇرلى ٴانشى، اكتەر، قانات ٴجۇنىسوۆ اقىننىڭ تۇلعاسى تۋرالى، اقىن باۋىرجان قاراعىز ۇلى ساكەن سەيفۋللين مۇراسىنىڭ "ادەبيەت پورتالىنداعى" ناسيحاتى الداعى ۋاقىتتا قالاي ٴوربيتىنى جونىندە ايتىپ، اعا بۋىننىڭ ىقىلاسىنا بولەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي