BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقتىڭ قار شاڭعىسىن جاساۋشى قارت

قىتايدىڭ التاي ايماعىندا تۇراتىن قانداسىمىز سىلامبەك ساعىنىش ۇلى قازاقتىڭ بايىرعى تەرى شاڭعىسى قالاي جاسالاتىنىن ايتىپ بەردى، دەپ حابارلايدى baq.kz اقپارات اگەنتتىگى.

بۇل تۋرالى قىتايدا جارىق كورەتىن «حالىق گازەتىنە» سىلتەمە جاساپ قازاقپارات اگەنتتىگى جازدى. قازاق قۇندىلىعىن قۇنتتاپ جۇرگەن سىلامبەك ساعىنىش ۇلى التايدىڭ لاستى كەنتىنىڭ نوعايتى اۋىلىندا تۇرادى.

ول ٴالى دە كونە مۇرامىزدىڭ وتىن وشىرمەي جالعاستىرىپ كەلە جاتقانىن، سونداي-اق، ارنايى شاكىرت تاربيەلەپ جۇرگەنىن ايتادى. وڭىردە تەرى شاڭعى جاساۋدا ودان اساتىن شەبەر جوق. 2010 جىلى شىڭجاڭ ولكەلىك مادەنيەت باسقارماسى سىلامبەك ساعىنىش ۇلىنا «شىڭجاڭنىڭ ماتەريالدىق ەمەس مۇراسى تەرى شاڭعى جاساۋدىڭ مۇراگەرى» دەگەن رەسمي اتاق بەرگەن.

«تەرى شاڭعى جاساۋدى اكەمنەن ۇيرەندىم. العاشقى تەرى شاڭعىمدى 15 جاسىمدا جاسادىم. ٴبىز ٴۇشىن بۇل قار شاڭعىسى تاپتىرمايتىن كولىك قۇرالىمىز بولدى. التايدىڭ قىسى ۇزاق، قارى قالىڭ بولادى. بۇرىندارى كولىك قاتىناس قولايسىز بولعاندىقتان جەرگىلىكتى تۇرعىندار وسى تەرى شاڭعىنى كەڭ پايدالانعان. اڭشىلار مەن شارۋالاردىڭ نەگىزگى كولىگى بولعان. شاڭعىنىڭ وزەگىن قاراعاي مەن قايىڭ اعاشىنان جاساپ، سىرتىن جىلقى سيراعىنىڭ تەرىسىمەن قاپتايدى. ورنىنان قوزعالىپ، ەكپىن الۋ ٴۇشىن ٴبىر تاياقتى عانا قولدانعان. باسقا قار شاڭعىعا قاراعاندا، تەرىدەن جاسالعان قار شاڭعىنىڭ وزىندىك ەرەكشەلىگى بار: تاۋعا شىققاندا تەرى جۇنىنە قارسى باعىتتا بولعاندىقتان، ۇيكەلىس كۇشىن ارتتىرىپ، قار بەتىنە جابىسىپ، بيىكتەن ارتقا سىرعىپ كەتۋدەن ساقتايدى. تاۋدان تومەن سىرعاناعاندا جىعىلعان تەرى جۇنىنە باعىتتاس بولعاندىقتان، ۇيكەلىس ازايىپ، جىلدامدىعى باسقا قار شاڭعىلاردان تەز بولادى»، - دەيدى تەرى شاڭعى جاساۋدىڭ شەبەرى سىلامبەك ساعىنىش ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي