BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەيجىڭدە «استانا-پەكين: دوستىق كوپىرى» كونسەرتى ٴوتتى

استانا، baq.kz. قر مادەنيەت جانە سپورت مينيسترلىگى «qazaqconcert» مەملەكەتتىك كونسەرتتىك ۇيىمىنىڭ «forte trio» مەملەكەتتىك تريوسى قىتايدىڭ پەكين جانە شانحاي قالالارىنىڭ ساحناسىندا «استانا-پەكين: دوستىق كوپىرى» كونسەرتىن وتكىزدى. بۇل تۋرالى «قازاقكونسەرت» مەملەكەتتىك كونسەرتتىك ۇيىمىنىڭ ٴباسپاسوز قىزمەتى حابارلادى.

بۇل استانامىزدىڭ 20 جىلدىعىنا ارنالعان ۇمىتىلماس كەش بولعانى ٴسوزسىز. قىتايلىق كورەرمەن وتاندىق تريونىڭ سكريپكا، ۆيولونچەل، پيانينو سىندى اسپاپتاردا ورىنداعان ۇزدىك تۋىندىلارىن ەستىپ، ونەرلەرىن جوعارى باعالادى. تريو شىعارماشىلىق كەشىنە تىڭعىلىقتى دايىندالعان. ونەرسۇيەر قاۋىم «باروككودان» باستاپ «دجاز» ستيلىنە دەيىنگى تۋىندىلاردى تىڭداپ رۋحاني بايىدى. كامەرالىق-اسپاپتىق انسامبل رەپەرتۋارلارىنا ۇلتتىق مۋزىكانى دا قوسقان.

«forte trio» مەملەكەتتىك تريوسى – قازاقستانداعى ەڭ تانىمال كامەرالىق-اسپاپتىق انسامبلدەردىڭ ٴبىرى. ارتىستەر تەك ەلىمىزدە عانا ەمەس، سونىمەن بىرگە شەتەلدە دە قۇرمەتكە يە ٴارى كەڭىنەن تانىلعان. شىعارماشىلىق ۇجىمنىڭ اسا باي رەپەرتۋارىنا باروككودان دجازعا دەيىنگى ٴتۇرلى ستيلدەر مەن باعىتتاعى تۋىندىلار ەنگەن. تالانتتى مۋزىكانتتار وزدەرىنىڭ كونسەرتتىك باعدارلامارىندا ورىنداۋشىلىق ونەردىڭ شىڭىن باعىندىرىپ، تالعامى جوعارى كورەرمەنگە الەمدىك مۋزىكالىق مادەنيەتتىڭ وزىق ۇلگىلەرىن ۇسىنىپ كەلەدى. تريونىڭ ٴتۇرلى وركەسترلەر، سوليستەر، ۆوكاليستەر جانە اسپاپشىلارمەن بىرلەسكەن ونەر كورسەتۋلەرى ۇلكەن جەتىستىككە يە.

تريونىڭ قۇرامىندا ورىنداۋشىلىق ونەردىڭ ايگىلى شەبەرلەرى، رەسپۋبليكالىق جانە حالىقارالىق بايقاۋلارىنىڭ لاۋرەاتتارى بار. اتاپ ايتار بولساق، اتاقتى پيانيست، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ كاۆالەرى تيمۋر ۋرمانچەەۆ، تالانتتى ۆيولونچەليست، قر تۇڭعىش پرەزيدەنتى – ەلباسى قورى سىيلىعىنىڭ لاۋرەاتى مۋرات ناربەكوۆ، دارىندى سكريپكاشى دينارا بازاربايەۆا-ساحامان. ٴۇش مۋزىكانت تا قۇرمانعازى اتىنداعى قازاق ۇلتتىق كونسەرۆاتورياسىندا كلاسسيكالىق مۋزىكالىق ٴبىلىم العان.

«forte trio» ۇنەمى قازاق ونەرىن ايتۋلى الەمدىك الاڭداردا پاش ەتىپ، كوپتەگەن حالىقارالىق مۋزىكالىق فەستيۆالدارعا قاتىسادى. تريو قاتىسۋشىلارىنىڭ ورىنداۋشىلىق ينتەرپرەتاسياسى كلاسسيكالىق مۋزىكانى باعالاۋشىلاردىڭ جۇرەگىن باۋراپ الۋدا. «forte trio» مەملەكەتتىك تريوسىنىڭ مۇشەلەرى بارلىق ارتيستەر ٴۇشىن ەڭ ماڭىزدى سىيلىقتى الىپ ۇلگەردى. ول – تىڭدارماندارىنىڭ ماحابباتى مەن تاڭدانىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي