«جۇلدىزدار توعىسقاندا» ٴفيلمى قىتايدا كورسەتىلدى

شانسي ايماعىنىڭ سيان قالاسىندا « ۇلى جىبەك جولى» كينوفەستيۆالى اياقتالدى.كينوفەسٴتيۆالدىڭ اياقتالۋىنا وراي قىتاي كينوجۇلدىزدارى،ونىڭ قاتارىندا ايگىلى اكتەر دجەكي چان جانە دە باسقا دا اتاقتى اكتەرلەر، رەجيسسەرلەر، سسەناريستتەر جانە دە سىنشىلار قاتىستى.

ۇلى جىبەك جولى فەستيۆالىنىڭ رەسمي سايتىندا «جۇلدىزدار توعىسىندا» اتتى فيلم جايىندا اقپارات شىعىپ، فيلمدە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ جايىندا "ەلباسى جولى" كينوەپوپەياسىنىڭ بەسىنشى ٴبولىمى سيپاتتالعان.

«بۇگىن ۇلى جىبەك جولىنىڭ ٴۇشىنشى حالىقارالىق كينوفەستيۆالى ساعات 14.00 دە «jackie chan cinema» كينوتەاترىندە رەجيسسەر سەرگەي سنەجكيننىڭ «جۇلدىزدار توعىسقاندا» اتتى قازاقستاندىق ٴفيلمىنىڭ اشىلۋى ٴوتتى.

قازاقستان جانە قىتاي ەلدەر اراسىنداعى ديپلوماتيالىق قارىم-قاتىناس ۇزاق مەرزىمدە، ياعني جيىرما بەس جىل بويى جان-جاقتى ستراتەگيالىق ارىپتەستىكتى جانە دوستىعىن سيپاتتاپ كەلەدى.

ودان ٴارى ەكى ەلدىڭ قارىم-قاتىناستارىن قولداۋ جانە نىعايتۋ ماقساتىندا، ەكى ەلدىڭ مادەنيەت سالاسىنداعى ىنتىماقتاستىقتى نىعايتۋ بويىنشا قازاقستان ەلىنىڭ ٴفيلمى قىتاي مەملكەتىنىڭ سيان قالاسىنىڭ فەستيۆالىندە كورسەتىلدى.وندا ۇلى جىبەك جولى ەلدەرى اراسىنداعى مادەني الماسۋ ايماقتارى ٴداستۇرلى الاڭعا اينالعان.

«جۇلدىزدار توعىسىندا» ٴفيلمى «ەلباسى جولى» كينوەپەپەياسىنىڭ بەسىنشى بولىمىنە سۇيەنە وتىرىلىپ، رەجيسسەر سەرگەي سنەجكين قازاق حالقىنىڭ كەڭەس وداعى 1980-جىلدارى كەزەڭىندەگى، ياعني قيىن-قىستاۋ كەزەڭىنەن تاۋەلسىز قازاقستانعا دەيىنگى ۋاقىتى جانە دە نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولۋ كەزەڭى باياندالادى.رەجيسسەر سەرگەي سنەجكين «قىرمىزى گۇلدەرى» جانە «ەرنەۋلىكتىڭ ارتىنان مەنى جەرلەڭىزدەر» اتتى اتاقتى فيلمدەرىمەن حالىققا تانىمال.

«جۇلدىزدار توعىسىندا» ٴفيلمى مەملەكەت باسشىسى نۇرسۇلتان نازاربايەۆتىڭ اعىلشىن ٴتىلشىسى حيۋ فرەيزەرمەن سۇحبات تۇرىندە ۇسىنىلعان.سۇحباتتا پرەزيەنتتىڭ ٴومىرى، تاعدىرى جانە دە تاۋەلسىز ەلگە قيىندىق جولى ارقىلى جەتكەنى جايلى اڭگىمەلەنەدى.ەلباسى جازۋشىعا جەرگىلىكتى ادەت-عۇرىپتارىمەن تانىستىرا وتىرىپ، ٴوزىنىڭ ٴومىرىنىڭ قيىن-قىستاۋ كەزەڭى جايلى،ياعني 1984 جىلى مينيسترلەر كەڭەسىنىڭ ٴتوراعاسىنان 1991 جىلى قازاقستان رەسپۋبليكاسىنىڭ پرەزيدەنتى بولۋى ارالىعىن اڭگىمەلەيدى».

بۇل كورسەتىلىم قازاقستانعا فەستيۆال قاتىسۋشىسى جانە سىيلى قوناعى رەتىندە، باسقا ەلدەر قاتارىنان ۇيىمداستىرۋ كوميتەتى ۇسىنعان بولاتىن.

كورسەتىلىمدە قازاقستان، رەسەي، يتاليا، قىرعىزستان، وزبەكستان جانە دە باسقا ەلدەردىڭ وكىلدەرى قاتىستى.

ەسكەرە كەتسەك، «جۇلدىزدار توعىسىندا» ٴفيلمى قازاقستان رەسپۋبليكاسىنىڭ مادەنيەت جانە سپورت مينسترلىگىنىڭ تاپسىرىسى بويىنشا 2015 جىلى تۇسىرىلگەن بولاتىن. اتالعان فيلم قازاقستان رەسپۋبليكاسىنىڭ جانە رەسەي فەدەراسياسىنىڭ تەلەارنالارىندا، سونىمەن قاتار ماسكەۋ قالاسىندا ۇسىنىلعان بولاتىن.

تەگي
• قىتاي
• كينو
• ونەر
• فيلم
• ۇلى جىبەك جولى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!