جۋىردا «امiرە ٴانi» فيلمi جارىققا شىعادى 

جۋىردا قازاقتىڭ اتاقتى ٴانشiسi امiرە قاشاۋبايەۆقا ارنالعان «امiرە ٴانi» كوركەم فيلمi تانىستىرىلادى. بۇل تۋرالى ۇكiمەت ۇيiندە «100 ناقتى قادام» ۇلت جوسپارىن ىسكە اسىرۋ بارىسىنا ارنالعان ٴباسپاسوز ماجiلiسiندە قر مادەنيەت جانە سپورت مينيسترi ارىستانبەك مۇحامەدي ۇلى ايتتى، دەپ حابارلايدى baq.kz تiلشiسi.

«مينيسترلiك ەلiمiزدiڭ مادەنيەتi مەن تاريحى، كورنەكتi قايراتكەرلەرi مەن تاريحي تۇلعالارى تۋرالى باياندايتىن كينو - سەريالارى مەن تەلەجوبالارىن قۇرۋ بويىنشا «ماڭگiلiك ەل» كەشەندi جوسپارىن جۇزەگە اسىرۋدا. جوسپار شەڭبەرiندە تاۋەلسiزدiك مەرەيتويىنا عانا 26 كينوكارتينا تانىستىرىلدى. اتالعان بارلىق تۋىندىلار حالىقارالىق نارىققا پروكاتقا بەرۋگە باعدارلانعان جانە قازاقستاندىق، شەتەلدiك كورەرمەندەر اراسىندا جوعارى سۇرانىسقا يە. بۇگiنگi تاڭدا 28 كوركەم جانە دەرەكتi فيلم وندiرiستە، ولاردىڭ iشiندە «ەلباسى جولى. استانا» ەپوپەياسىنىڭ جالعاسى، «توميريس»، «سۇلتان بەيبارىس» فيلمدەرi، «قازاق ەلi - 2» تەلەحيكاياسى جانە تاعى باسقا تاريحي جوبالار بار. جاقىندا «امiرە ٴانi» فيلمiن تانىستىرامىز»، - دەدi مۇحامەدي ۇلى.

مينيستردiڭ ايتۋىنشا، مادەنيەت جانە سپورت مينيسترلiگi «قازاقستاننىڭ كيەلi جەرلەرiنiڭ گەوگرافياسى»، «جاھاندىق زاماناۋي قازاقستاندىق مادەنيەت»، «تۋعان جەر»، «قازاق تiلiن بiرتiندەپ لاتىن الiپبيiنە كوشiرۋ» ارنايى جوبالارىن جۇزەگە اسىرماق.

قىمبات ەلتايقىزى

تەگي
• كينو
• ونەر
• امىرە قاشاۋبايەۆ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!