BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەتىسۋدىڭ اسەم تابيعاتى الەمگە كوركەم فيلم ارقىلى تانىستىرىلادى

بۇل تۋرالى الماتى وبلىسىنىڭ اكىمى اماندىق باتالوۆتىڭ قازاقستان-جاپونيا بىرلەسكەن جوباسى «بارىمتاشىلار» كينوفيلمىنىڭ ٴتۇسىرۋ توبىمەن كەزدەسۋىندە بەلگىى بولدى. ٴفيلمنىڭ ٴبىراز كارتينالارىن الماتى وبلىسىنىڭ اۋماعىندا ٴتۇسىرۋ جوسپارلانعان، دەپ حابارلايدى baq.kz اقپارات اگەنتتىگى.

الماتى وبلىسى اكىمدىگىنەن حابارلاعانداي ، قازاقستاندا بولعان وقيعانىڭ نەگىزىندە سسەناريى جازىلعان ٴفيلمنىڭ باستى رولدەرىندە كانن فەستيۆالىندە ەڭ ۇزدىك ايەل ٴرولى سىيلىعىن جەڭىپ العان اكتريسا سامال ەسلاموۆا، دۋلىعا اقمولدا جانە بەلگىلى جاپوندىق اكتەر ميراي مورياما وينايدى.

جوبانىڭ باس مەنەدجەرى قارلىعا سەيسەنوۆانىڭ ايتۋىنشا، ٴتۇسىرۋشى توپ الماتى وبلىسىنىڭ ٴبىرقاتار وڭىرلەرىن ارالاپ قايتقان.

«رايىمبەك اۋدانىنىڭ تابيعاتى كينوگەرلەرگە ەرەكشە ۇناپ، ەندى ٴفيلمنىڭ ٴبىراز بولىگىن وسى ايماقتا تۇسىرسەك دەگەن ويلارى بار. سونىمەن قاتار جەتىسۋ وڭىرىندە كينو ٴتۇسىرۋ ونىڭ تۋريستىك الەۋەتىن ناسيحاتتاۋعا جاقسى مۇمكىندىك بولار ەدى دەپ ەسەپتەيدى. سەبەبى بۇل فيلم حالىقارالىق كينوفەستيۆالدارعا ۇسىنىلاتىن جانە باستى ٴرولدى سومدايتىن اكتەرلەردىڭ تانىمالدىعى جاعىنان كينوسۇيەر قاۋىمنىڭ قىزىعۋشىلىعىن تۋعىزاتىن، كورىلىمى كوپ فيلم بولماق»، - دەدى ول.

جاپوندىق تانىمال پروديۋسەر، tokyo filmex كينفەستيۆالىنىڭ نەگىزىن قالاۋشى سيودزو يچياما فيلمگە قارجىلىق دەمەۋشىلىك جاساپ وتىر. فيلم تامىز-قىركۇيەك ايلارىندا تۇسىرىلە باستاپ، شامامەن ٴبىر جارىم ايدا تولىق اياقتالادى دەپ كۇتىلۋدە.

ٴوز كەزەگىندە، ٴتۇسىرۋ توبى وكىلدەرىن تىڭداعان وبلىس اكىمى اماندىق باتالوۆ كارتينانىڭ وبلىس اۋماعىندا تۇسىرىلۋىنە قولداۋ بىلدىرەتىنىن ايتتى.

«بۇعان دەيىن دە وبلىس اۋماعىندا «توميريس» جانە باسقا دا تانىمال كينوفيلمدەر ٴتۇسىرىلدى. سونىمەن قاتار bbc كانالىمەن بىرلەسىپ جەتىسۋ تابيعاتىنىڭ كوركەمدىگىن پاش ەتەتىن روليك دايىندالىپ، روليكتىڭ كورسەتىلىمى جاعىنان شەتەلدىكتەر اراسىندا دا ۇلكەن قىزىعۋشىلىق تۋعىزدى»، - دەدى ول.

بۇدان باسقا، ايماق باسشىسى بۇگىنگى كەزدەسۋدە شىعارماشىلىق توپتىڭ ٴوڭىردىڭ تۋريستىك تارتىمدىلىعىن ناسيحاتتاۋ تۋرالى ۇسىنىسىن قانداي فورمادا، قانداي مازمۇندا جۇزەگە اسىرۋ كەرەكتىگىن ناقتىلاپ، يدەيانى شيراتۋ كەرەكتىگىن جەتكىزدى. قوس تاراپ ٴوزارا ارىپتەستىك بايلانىستا جۇمىس ىستەۋگە ۋاعدالاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي