BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جات اعىمنىڭ جەتەگىندە كەتكەندەر تۋرالى فيلم ٴتۇسىرىلدى

فوتو: Әлеуметтік желіден

كوكشەتاۋدا بەلگىلى ونەر قايراتكەرى، رەجيسسەر، ش.قۇسايىنوۆ اتىنداعى وبلىستىق قازاق دراما تەاترىنىڭ ديرەكتورى مۇراتبەك وسپانوۆتىڭ «مەن مۇسىلمانمىن» اتتى قىسقا مەتراجدى كوركەم ٴفيلمىنىڭ العاشقى كورسەتىلىمى ٴوتتى، دەپ حابارلايدى baq.kz تiلشiسi.

فيلمگە ارنايى قاراجات بولىنبەگەن، شىعارماشىلىق توپ ٴوز كۇشتەرىمەن تۇسىرگەن. سسەناريىن جازعان رەسەي كينوموتوگرافيستەر وداعىنىڭ مۇشەسى نازگۇل سۇلتانوۆا.

«تاۋەكەلگە بەل بۋۋىمنىڭ سەبەبى – تاقىرىپتىڭ «كۇيىپ» تۇرعاندىعى، وزەكتىلىگى، الاڭداتارلىعى. فيلم «مەن ناعىز مۇسىلمانمىن» دەپ اسىرا سىلتەپ، وزگەلەردىڭ جەتەگىنە ەرىپ، جات پيعىلدى اعىمنىڭ سوڭىندا سورلاعاندار جونىندە. باستى رولدەگى فاريت سول ٴوزى تاپ كەلىپ، قالتقىسىز سەنىپ، سۇرلەۋىنە تۇسكەن اداسقاندار جولىنان باسقا الەمدى كورمەي، تار ويلاپ، اقىرى تىعىرىققا تىرەلىپ، قىلمىسقا بارادى»،–دەيدى تەاتر ديرەكتورى مۇراتبەك وسپانوۆ.

فيلم ٴار ۇلتتان شىققان ٴۇش قۇربىنىڭ ەمىن-ەركىن ويناپ كۇلىپ جۇرگەنىنەن باستالادى. تەك، التىنايدىڭ ٴۇمىت ارتقان جىگىتى فاريت الدەقايدان وقىپ كەلىپ، قاراڭعى تۇندەي تۇنەرىپ، كىرپىدەي جيىرىلىپ قايتادى. ٴسوز سالقىن، پىكىر وزگە. اۋەلى تىكسىنىپ قالسا دا قىز «ٴبارى جاقسىمەن بىتەر» دەپ سەنگەن. ٴبىراق، جىگىتتىڭ بار ارمانى سيرياعا بارۋ، «مۇسىلماندارعا قارسى، بوگدەلەرمەن سوعىسۋ» عانا. بولاشاق جارى دا سول جولدى قالاۋى ٴتيىس. ەكەۋى بىرگە اتتانۋ ٴۇشىن نەكەلەرى قيىلۋى كەرەك. تۇستەرى سۋىق، بەلگىسىزدىككە بەل بۋعان توپ ورتاسىنا ٴتۇسىپ، سولاي ىستەۋگە ەندى ٴبىر قادام قالعاندا عانا قىز جان ۇشىرىپ، كومەك سۇرايدى. ٴوزىنىڭ بۇكىل ارمان-قيالىن اياقاستى ەتتى، جوسپارىن بۇزدى، جاڭا تاپقان دوستارى-ارىپتەستەرى الدىندا ماسقارا قىلدى دەپ تۇسىنگەن فاريتتىڭ وي-ساناسى استان-كەستەڭ بولىپ، سول جەردە قىزعا پىشاق جۇمسايدى. ول ٴوزىنىڭ تار ويىنىڭ اياسىنان شىعا الماي قالادى. ويتكەنى، ٴدىني ساۋاتسىز ەدى.

«قىسقامەتراجدى فيلمدەگى شيەلەنىستى وقيعانىڭ شارىقتاۋ تۇسىن التىناي ٴرولىن سوماداعان جاس اكتريسا اسەم سەرىكوۆا مەن فاريت وبرازىنداعى مەدەت حامزين ٴساتتى جەتكىزگەن. جاستىعىنا قاراماستان اسەم ٴوز كەيىپكەرىنىڭ مىنەز-قۇلقىن، ىشكى تولعانىسىن سونداي شىنايى بەرە العان. ال، تەاتر اكتەرى رەتىندە شەبەرلىگىن تالاي دالەلدەگەن مەدەت بولسا، بۇل ٴرولى ارقىلى تاعى ٴبىر جاڭا قىرىن جارقىراتا كورسەتكەندەي. پيعىلى بۇزىلعان، ويى ايران-اسىر، بەلگىسىزدىك پەن ۇرەي، مازاسىزدىق جانىن جايلاعان جىگىت كەيپىن كەرەمەت سومداعان. اكتەرلەر ويىنى سەنىمدى»،–دەيدى جازۋشى سەرىك جەتپىسقاليەۆ.

ٴفيلمنىڭ العاشقى كورسەتىلىمىنە قاتىناسقان اقمولا وبلىستىق مادەنيەت باسقارماسىنىڭ باستىعى ساۋلە بورىبايەۆا، مەشىت يمامدارى، زيالى قاۋىم وكىلدەرى ٴوز پىكىرلەرىن ورتاعا سالىپ، ونەر ۇجىمىن بۇگىنگى كۇنى اسا قاجەت تۋىندىنىڭ تۇساۋ كەسۋىمەن قۇتتىقتادى. راسىندا دا، تىرناقالدى دۇنيەنىڭ كاسىبي دەڭگەيى قول سوقتىرماي قويمايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي