«جانۇيا» بەينە ٴفيلمىنىڭ تۇساۋكەسەرى ٴوتتى

شىمكەنتتەگى جاستار رەسۋرستىق ورتالىعىندا «جانۇيا» ٴفيلمىنىڭ تۇساۋكەسەرى ٴوتتى، دەپ حابارلايدى baq.kz.

وڭتۇستىك قازاقستان وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ تاپسىرىسىمەن تۇسىرىلگەن كينو تۋىندىنىڭ رەجيسەرى - «مايدانگەرلەر»، «وتەلمەس بورىش»، «جاستىق شاق»»، «جاڭعىرىق» فيلمدەرىمەن تانىمال سەرىك تالاسوۆ.

كينو جەلىسىندە قازىرگى قوعامدا ورىن العان وتباسىداعى كەلەڭسىز جاعدايلار سۋرەتتەلىپ، ۇلكەنگە قۇرمەت، كىشىگە ىزەت ٴبىلدىرۋ سىندى جالپى تاربيەلىك ۇعىمدار كورىنىس تاپقان.

بەينە ٴفيلمنىڭ كاستينگى بيىلعى جىلدىڭ 1 تامىزىندا وتكىزىلىپ، 200-دەن اسا اكتەرلىك قابىلەتى بار جاستار ٴرول سومداۋعا ىرىكتەپ الىندى.

ٴفيلمنىڭ ٴتۇسىرىلىمى شىمكەنت قالاسىندا ٴوتتى. جاڭا كينودا بەلگىلى اكتەرلەر ەرجان جارىلقاسىن، اقمارال ماحانوۆا، عالىمجان قالىبايەۆ، ولجاس بەكباۋوۆ رولدەردى سومدايدى.

تۇساۋكەسەر ٴراسىمى بارىسىندا ٴفيلمنىڭ جارىققا شىعۋىنا ۇلەس قوسقان شىعارماشىلىق توپ وبلىستىق جاستار ساياساتى ماسەلەلەرى جونىندەگى باسقارمانىڭ ارنايى العىس حاتىمەن ماراپاتتالدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!