BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاقسىلىق ۇشكەمپىروۆ تۋرالى كوركەم فيلم تۇسىرىلەدى

فوتو: kazakhfilmstudios.kz

ش.ايمانوۆ اتىنداعى «قازاقفيلم» كينوستۋدياسىندا «جەڭىمپاز» اتتى (جۇمىس اتاۋى) كينوجوبانىڭ قورعالىمى ٴوتتى. بۇل وتىرىستا ٴفيلمنىڭ شىعارماشىلىق توبى اتقارعان جۇمىستارى تۋرالى جانە تۇسىرىلىمگە دايىن ەكەنىن جەتكىزدى، دەپ حابارلايدى baq.kz اقپارات اگەنتتىگى kazakhfilmstudios.kz سايتىنا سىلتەمە جاساپ.

كارتينانىڭ سسەناريي اۆتورى ٴارى قويۋشى رەجيسسەرى – جۇزدەن استام دەرەكتى ٴفيلمنىڭ اۆتورى باقىت قايىربەكوۆ.
اتالعان سپورتتىق دراما قازاقستاننىڭ ەڭبەك ەرى، گرەك-ريم كۇرەسىنىڭ پالۋانى، الەم چەمپيونى، وليمپيادا چەمپيونى، كسرو ەڭبەك سىڭىرگەن سپورت شەبەرى (1980)، قازاق كسر ەڭبەك سىڭىرگەن جاتتىقتىرۋشىسى – جاقسىلىق ۇشكەمپىروۆتىڭ ٴومىرى تۋرالى باياندايدى.

«بۇل كوركەم فيلم جانرىندا تۇسىرگەلى وتىرعان مەنىڭ العاشقى تۋىندىم. كارتينا 48 كگ سالماقتاعى وليمپيادا چەمپيونى بولعان العاشقى قازاق – جاقسىلىق ۇشكەمپىروۆ تۋرالى. ول ٴتۇرلى مەملەكەت دارەجەسىندەگى جارىستارعا قاتىسىپ، جۇلدەلى ورىنداردان كورىنسە دە، سپورتشىعا حالىقارالىق ارەنالارعا شىعۋعا مۇمكىندىك بەرمەگەن. تەك 1980 جىلى عانا ول ماسكەۋدە وتكەن وليمپيادا ويىندارىنا قاتىسۋعا جولداما الىپ، الەمدىك دەڭگەيدە ونەرىن كورسەتە الدى. فيلم وڭتۇستىك قازاقستان اۋىلدارىنىڭ بىرىندە دۇنيەگە كەلگەن سپورتشىنىڭ بالالىق شاعىنان باستاپ، بۇكىل كەڭەس وداعى قوشەمەتپەن قارسى العان پالۋاننىڭ وليمپيادا ويىندارىندا جەتكەن جەتىستىكتەرىنە دەيىنگى ٴومىر جولىن بەينەلەيدى»، -دەدى ٴفيلمنىڭ رەجيسسەرى باقىت قايىربەكوۆ.

قاتارىندا كينورەجيسسەر ساتىبالدى نارىمبەتوۆ، كينودراماتۋرگ سماعۇل ەلۋباي بار «ٴقازاقفيلمنىڭ» ەكسپەرتتىك كەڭەس مۇشەلەرى الدىندا ٴتۇسىرىلىم توبى كورمە ۇيىمداستىرعان. وندا فيلمدە قولدانىلاتىن رەكۆيزيتتەر مەن سوۆەت وداعى داۋىرىندەگى سپورتتىق كوستيۋمدەر قويىلعان. ەكسپەرتتىك كەڭەس الدىندا ٴسوز العان ٴفيلمنىڭ باس پروديۋسەرى تاسبولات مەرەكەنوۆ تۇسىرىلىمدەر وسكەمەن، تالدىقورعان، الماتى جانە الماتى وبلىسىندا جۇرەتىندىگىن ايتتى. سونىمەن قاتار، كەي ساحنالار بەلارۋسسيادا وتەتىنىن دە حابارلادى. ايتا كەتەلىك، ٴفيلمنىڭ ٴتۇسىرىلىم جۇمىستارى شىلەدىڭ 29 باستالىپ، قىركۇيەكتىڭ سوڭىنا دەيىن جالعاسادى.

«جاقىندا عانا قىتايدا وتكەن شۇى اياسىنداعى كينوفەستيۆالدە «قازاقفيلم» مەن «بەلارۋسفيلم» ىنتىماقتاستىق تۋرالى مەموراندۋمعا قول قويعان بولاتىن. وسى ٴىس-شارادان سوڭ، مينسكىگە ٴتۇسىرىلىم توبىمەن بارىپ، ونداعى سپورت نىساندارىن، ٴ80-شى جىلداردى ەسكە سالاتىن قاجەتتى رەكۆيزيتتەردى كورىپ قايتتىق. مينسكىدە ٴ80-شى جىلدارداعى ماسكەۋگە ۇقسايتىن كوشەلەر ساقتالعان ەكەن. وندا زاماناۋي جارناما، دۇكەندەر مەن مەيرامحانالار جوق. مينسكىدەگى تۇسىرىلىمدەر تامىز ايىنا بەلگىلەنگەن»، - دەپ قوستى رەجيسسەر.

كاستينگ-ديرەكتور ايجان دۇيسەمبايەۆنىڭ ايتۋىنشا6 بيىل ناۋرىز ايىندا جاريالانعان رەسپۋبليكالىق كاستينگكە 1000 استام ٴجاسوسپىرىم مەن جەتكىنشەك قاتىسقان. ۇزاق فوتو جانە ۆيدەو سىناقتان كەيىن باستى رولگە ەلنار نازارقۇل مەن سانۇرجان سۇلەيمەنوۆ بەكىتىلگەن. ولار جاقسىلىق ۇشكەمپىرىوۆتىڭ بالا كەزى مەن جەتكىنشەك شاعىن سومدايدى. ال تەاتر اكتەرى ولجاس ساق جىگىت شاعىن وينايتىن بولسا، قازاقستاننىڭ حالىق ٴارتيسى، جەزقازعان تەاترىنىڭ اكتەرى دوسجان جانبوتايەۆ 60- جاستاعى سپورتشىنىڭ وبرازىن جاسايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي