BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركيانىڭ ٴىرى تەلەراديوكومپانياسى «ٴقازاقفيلمنىڭ» كينوتۋىندىلارىن ساتىپ الماقشى

فوتو: Қазақфильм

ش.ايمانوۆ اتىنداعى «قازاقفيلم» كينوستۋدياسىنا ىسكەرلىك ماقساتتا تۇركيالىق «trt» تەلەراديوكومپانياسىنىڭ استاناداعى وكىلدىگىنىڭ ديرەكتورى ابدۋلحاميت اۆشار كەلدى، دەپ حابارلايدى baq.kz اقپارات اگەنتتىگى.

كەزدەسۋدە كورپوراسيا باسشىلىعى اتىنان كينوستۋديانىڭ كارتينالارىن تۇرىك تەلەارناسىندا كورسەتۋ ماقساتىندا الۋعا نيەتتى ەكەنىن ٴبىلدىردى.

«ٴبىزدىڭ كورپوراسياعا تيەسىلى «trt avaz» تەلەارناسىندا اپتاسىنا ٴبىر رەت تۇركىتىلدەس ەلدەردىڭ كينولارىن كورسەتۋدى جوسپارلاپ وتىرمىز. وسى ورايدا، ٴبىز «قازاقفيلمگە» كەلىپ وتىرمىز، ويتكەنى بۇل كينوستۋديا قازاقستانداعى باستى جانە ٴتۇرلى جانرداعى ساپالى كينو ٴوندىرۋشى ستۋديا. ٴقازىر ٴبىزدىڭ ماقساتىمىز سىزدەردىڭ فيلمدەرىڭىزبەن تانىسىپ، سىزدەردىڭ تاريحىڭىز بەن مادەنيەتىڭىزدى كورسەتەتىن تۋىندىلاردى تاڭداپ الۋ»، - دەدى كەزدەسۋ بارىسىندا ابدۋلحاميت اۆشار.

ٴوز كەزەگىندە «قازاقفيلم» كينوستۋدياسىنىڭ اۋديوۆيزۋالدى جوبالار باسشىسى ولجاباي مۇسابەكوۆ كينوستۋديا وندىرگەن فيلمدەر كاتالوگىن بەرۋگە دايىن ەكەنىن جەتكىزدى.

«2009 جىلعا دەيىن تۇسىرىلگەن فيلمدەر پلەنكادا ساقتالعان. الايدا قازاق عىلىمي-زەرتتەۋ مادەنيەت ينستيتۋتىنىڭ كومەگىمەن ساندىق جۇيەگە وتكىزدىك. ەسكى جانە جاڭا فيلمدەردى سىزدەرگە قاجەتتى فورماتتا بەرۋگە دايىنبىز»، - دەدى ول.

كەزدەسۋ بارىسىندا تۇركيالىق قوناققا كينوستۋديا بويىنشا ەكسكۋرسيا جۇرگىزىلىپ، «ٴقازاقفيلمنىڭ» كينووندىرىستىك مۇمكىنشىلىگى جانە تەحنيكالىق جابدىعى تانىستىرىلدى.

ايتا كەتەيىك، «trt» تەلەراديوكورپوراسياسى – بىرنەشە راديوستانسيالاردىڭ نەگىزىندە 1964 جىلى قۇرىلعان. بۇگىنگى تاڭدا كورپوراسياعا ونداعان حالىقارالىق جانە ايماقتىق تەلە جانە راديو ارنالار كىرەدى. بۇل كومپانيانىڭ راديو جانە تەلە ارنالارى الەمنىڭ بىرنەشە تىلدەرىندە جۇرەدى. كوپتەگەن ەلدەردە وكىلدىگى بار كورپوراسيانىڭ بولىمشەسى قازاقستاندا دا اشىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي