BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاريحپەن تانىستىراتىن انيماسيالىق تۋىندىلار تۇسىرىلۋدە

استانا، baq.kz. ەلباسىنىڭ « ۇلى دالانىڭ جەتى قىرى» اتتى ماقالاسىنا وراي تۇركىستان وبلىسىنىڭ وڭىرلىك كوممۋنيكاسيالىق قىزمەتىندە ٴباسپاسوز ٴماسليحاتى ٴوتتى. بريفينگكە قاتىسقان «ساق» كينوستۋدياسىنىڭ ديرەكتورى نۇريددين پاتتەەۆ پرەزيدەنت ماقالاسىنداعى قويىلعان ماقساتتار توڭىرەگىندە تۇركىستان وبلىسىندا جۇزەگە اسقان جوبالارعا توقتالدى.

«وتكەن جىلى وڭىردە «رۋحاني جاڭعىرۋ» باعدارلاماسى اياسىندا وبلىس اكىمى جانسەيىت تۇيمەبايەۆتىڭ قولداۋىمەن «كونە جەتىگەننىڭ سىرى» اتتى 10 سەريالى تەلەحيكايا ٴتۇسىرىلىپ، كورەرمەن قاۋىمعا ۇسىنىلدى. بۇدان وزگە، «كيەلى قازىعۇرت»، «وتىراردى قورعاۋ»، «كۇش اتاسى – قاجىمۇقان»، «بايدىبەك بي» اتتى انيماسيالىق فيلمدەرى رەسپۋبليكالىق جانە جەرگىلىكتى تەلەارنالاردا كورسەتىلدى. سونداي-اق، « ۇلى جىبەك جولىنداعى ەسكەرتكىشتەر» اتتى دەرەكتى فيلم تاسپالانىپ، كوپشىلىكتىڭ نازارىنا ۇسىنىلدى»، - دەدى نۇريددين پاتتەەۆ.

مەملەكەت باسشىسىنىڭ « ۇلى دالانىڭ جەتى قىرى» ماقالاسىندا: «جالپى حالىقتىڭ ساناسىندا فيلمدەردەگى جارقىن كينووبرازدار ىرگەلى عىلىمي مونوگرافيالارداعى دەرەكتى پورترەتتەردەن گورى ماڭىزدىراق ٴرول اتقارادى. سوندىقتان تەز ارادا قازاقستاننىڭ وركەنيەت تاريحىنىڭ ۇزدىكسىز دامۋىن كورسەتەتىن دەرەكتى-قويىلىمدىق فيلمدەردىڭ، تەلەۆيزيالىق سەريالدار مەن تولىقمەتراجدى كوركەم كارتينالاردىڭ ارنايى سيكلىن وندىرىسكە ەنگىزۋ كەرەك. ۇلت قاھارماندارىن ۇلگى تۇتۋ ٴۇردىسىن قالىپتاستىرۋعا جول اشاتىن ساپالى بالالار فيلمدەرى مەن مۋلتيپليكاسيالىق سەريالداردى اسا قاجەت ەتەتىن وسكەلەڭ ۇرپاقتىڭ دا تالعامىنا ەرەكشە نازار اۋدارۋ قاجەت. ٴبىزدىڭ داڭقتى باتىرلارىمىز، ويشىلدارىمىز بەن ەل بيلەۋشىلەرىمىز – تەك قازاقستان عانا ەمەس، سونداي-اق بۇكىل الەم بويىنشا ەلىكتەۋگە لايىقتى تۇلعالار» دەپ اتاپ كورسەتكەن.

اعىمداعى جىلى دا وبلىس باسشىسىنىڭ قولداۋىمەن وڭىردە «ورداباسى – بىرلىك تۋى» اتتى انيماسيالىق ٴفيلمنىڭ ٴتۇسىرىلىمى اياقتالىپ، تۇساۋكەسەرى جوسپارلانۋدا. سونىمەن قاتار، «تۇركىستان»، «وقسىز» انيماسيالىق فيلمدەرى مەن «تولە بي» تەلەسەريالىنىڭ ٴتۇسىرىلىم جۇمىستارى جالعاسىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي