BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سوڭعى ٴمۇعالىم» ٴفيلمى تۇركيادان جۇلدەمەن ورالدى

استانا، baq.kz. جاس رەجيسسەر الەن راحمەتاليەۆ تۇسىرگەن «سوڭعى ٴمۇعالىم» اتتى قىسقامەتراجدى كوركەم ٴفيلمى تۇركيانىڭ ستامبۋل قالاسىندا جەلتوقساننىڭ ٴ14-ى مەن 16-ى ارالىعىندا وتكەن dostluk kısa film festival حالىقارالىق كينوفەستيۆالىندە ەكىنشى ورىندى يەمدەندى.

كينوتۋىندىنى قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن. فيلمدە حيميا ٴپانىنىڭ ٴمۇعالىمى ەرجان قايدار ۇلىنىڭ ٴومىرى باياندالادى. ونىڭ ساباقتارىندا وقۋشىلار ۇنەمى شۋلاپ وتىرادى. ٴبىر كۇنى جوعارعى سىنىپ وقۋشىلارىنان ٴجابىر كورگەن ۇلىن قورعاماق بولعان ۇستاز ولارمەن كۇرەسپەك بولادى.

- بۇل فەستيۆال - اۋقىمدى بايقاۋلاردىڭ ٴبىرى. يران، قىرعىزستان، تۇركيا، فرانسيا، يتاليا، بەلگيا جانە شۆەسيا سىندى ەلدەردىڭ فيلمدەرى قاتىستى. وسى فەستيۆالگە قاتىسقانىمنىڭ ٴوزى جەڭىس دەپ سانايمىن. فەستيۆال ۇيىمداستىرۋشىلارى مەن قوناقتارى قازاق كينوسىنا ەرەكشە قىزىعۋشىلىق تانىتقاندارى وتە قۋانتتى، - دەدى رەجيسسەر الەن راحمەتاليەۆ.

dostluk kısa film festival كينوفەستيۆالى - دوستىققا نەگىزدەلگەن، ادامزات پەن عالامنىڭ اراسىنداعى بايلانىستى ناسيحاتتايتىن كينونىڭ بارلىق جانرى مەن فورماتىن ٴوز اۋديتوريسىنا ۇسىناتىن بىردەن ٴبىر فەستيۆال.

انىقتاما:

رەجيسسەرى جانە سسەناريي اۆتورى: الەن راحمەتاليەۆ

وپەراتورى: ەركەبۇلان بالعاباي

قويۋشى سۋرەتشى: نۇرگۇل دۇيماعامبەتوۆا

دىبىس رەجيسسەرى: ماليكا بەلامانوۆا

اتقارۋشى پروديۋسەر: ادىلەت يبراhيم

اكتەرلەر: مۇرات بەكحوجين، ەربولات اتاباي، حاقنازار ەراسىل ۇلى

الەن راحمەتاليەۆ – سسەناريست، رەجيسسەر. ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى («كوركەم فيلمدەر رەجيسسەرى» ماماندىعى بويىنشا). «سوڭعى كۇن» (2015)، «ويىنشى» (2016)، «شىدامدىلىق» (2017) سىندى قىسقامەتراجدى فيلمدەردىڭ اۆتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي