استانا: 
1840 
0
قازاق بوكسىنىڭ اتاسى شوقىر بولتەك ۇلى بيىل 29 قازاندا 100 جاسقا كەلەدى. وسىعان وراي، ونىڭ تۋعان ٴوڭىرى اقتاۋ قالاسىندا بوكستان حالىقارالىق تۋرنير وتەدى. جانە اتالعان تۇلعانىڭ قۇرمەتىنە دەرەكتى فيلم ٴتۇسىرىلىپ جاتىر. بۇل تۋرالى وسى ٴفيلمنىڭ اۆتورى سەرىك نويانباي ۇلى ايتتى دەپ حابارلايدى baq.kz ٴتىلشىسى.
ونىڭ ايتۋىنشا، شوقىر بولتەك ۇلىنا ارنالعان دەرەكتى ٴفيلمنىڭ ٴتۇسىرىلىم جۇمىستارى الماتى قالاسى مەن ماڭعىستاۋ وبلىسىندا جۇرگىزىلمەك. جانە، اتالعان فيلمدەگى ەپيزودتىق كادرلارعا تانىمال بوكسشى جانقوش تۇراروۆ تۇسپەك ەكەن.
«بۇكال الەم قازاق بوكسىنىڭ قۇدىرەتىن بىلەدى. ٴىرى دودادالاردا ەل نامىسىن ابىرويمەن قورعاپ جۇرگەن بوكسشىلارىمىز جەتەرلىك. ال ولارعا داڭعىل جولدى سالىپ بەرگەن كىم؟ ارينە، شوقىر اتامىز. ٴبىزدىڭ ماقساتىمىز وسى نارسەنى اتالعان دەرەكتى فيلمدە كورسەتۋ»،-دەيدى فيلم اۆتورى.
شوقىر بولتەك ۇلىنا ارنالعان فيلم 29 قازاندا جارىققا شىقپاق.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5284
0