استانا: 
1667 
1
2017 جىلدان باستاپ شەتەلدىك سەريالدار مەن باعدارلامالارعا زاڭ جۇزىندە شەكتەۋلەر قويىلادى. بۇل تۋرالى بۇگىن ەلىمىزدىڭ اقپارات جانە كوممۋنيكاسيالار مينيسترلىگىنىڭ جاۋاپتى حاتشىسى جانات قوجاحمەتوۆ مالىمدەدى.
ماجىلىستە وتكەن جيىندا دەپۋتاتتار الداعى ٴۇش جىلدى قامتيتىن رەسپۋبليكالىق بيۋدجەتتى تالقىلاۋ بارىسىندا كورشىلەردەن كەلەتىن تەلەونىمدەر ماسەلەسىن كوتەردى.
دەپۋتات فاحريددين قاراتايەۆتىڭ ايتۋىنشا، كوگىلدىر ەكرانداردا مەنتاليتەتىمىزگە اسەر ەتەتىن تۋىندىلار قاپتاپ كەتكەن. ولاردى قاداعالاۋ بويىنشا جۇمىستار قاجەتتى دەڭگەيدە ەمەس.
فاحريددين قاراتايەۆ، قر پارلامەنتى ٴماجىلىسىنىڭ دەپۋتاتى
-وتاندىق تەلەحيكايالارعا نەمەسە جاسوسپىرىمدەردى پاتريوتتىق سەزىمگە بولەيتىن باعدارلامالاردىڭ جوقتىعى ما، نەمەسە بيۋدجەتتەن بولىنەتىن قاراجاتتىڭ ازدىعى ما؟
جانات قوجاحمەتوۆ، قر اقپارات جانە كوممۋنيكاسيا مينيسترلىگىنىڭ جاۋاپتى حاتشىسى
- راسىمەن دە، وتاندىق تەلەحيكايالارعا قاتىستى مۇنداي پروبلەما بار. ٴقازىر مينيسترلىك بۇل ماسەلەنى شەشۋ جولدارىن قاراستىرىپ جاتىر. جوسپارداعى زاڭ جوباسىندا شەتەلدىك تەلەارنالاردان كەلەتىن ٴتۇرلى ونىمگە شەكتەۋ قويۋ قاراستىرىلعان. ال قارجى جاعىنا كەلەتىن بولساق، 2017 جىلعا ارنالعان بيۋدجەتتە «حابار» جانە «قازاقستان» تەلەارنالارىنىڭ بازاسىندا 81 وتاندىق تەلەحيكايا مەن 17 دەرەكتى فيلم ٴتۇسىرۋ قاراستىرىلعان.
khabar.kz
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5280
0