«شالا قازاق» اتتى ٴفيلمنىڭ تۇسىرىلىمدەرى قولعا الىندى، دەپ حابارلايدى baq.kz اقپارات اگەنتتىگى.
5283
0 
استانا: 
1556 
0
«شالا قازاق» اتتى ٴفيلمنىڭ تۇسىرىلىمدەرى قولعا الىندى، دەپ حابارلايدى baq.kz اقپارات اگەنتتىگى.
ش.ايمانوۆ اتىنداعى «قازاقفيلم» كينوستۋدياسىندا رەجيسسەر تولەگەن بايتۇكەنوۆتىڭ «شالا قازاق» اتتى (شارتتى اتاۋى) تولىقمەتراجدى كوركەم ٴفيلمنىڭ قورعالىمى ٴوتتى. قازاقستان رەسپۋبليكاسى مادەنيەت جانە سپورت مينيسترلىگى تاپسىرىسى بويىنشا تۇسىرگەلى جاتقان كينوتۋىندى قىلمىسكەرلەرمەن كۇرەسكە تۇسكەن اۋىلدىڭ ۋچاسكەلىك پوليسەيى تۋرالى باياندايدى.
«بۇل فيلم ادامنىڭ تاعدىرى مەن مىندەتتەلگەن پارىزىن ورىنداۋ تۋرالى. كارتينانىڭ جەلىسىندە ادام تابيعاتىنا ٴتان ىنجىقتىق پەن ازعىنداۋعا قۇمارتىپ تۇراتىن قاسيەتى بولسا-داعى، وعان بوي الدىرماي، ٴوز تاڭداۋىنا جانە ٴوزىنىڭ ازاماتتىق بورىشىنا ادال بولىپ قالعان جاننىڭ ٴومىرى كورسەتىلەدى»، - دەدى ٴفيلمنىڭ قويۋشى رەجيسسەرى تولەگەن بايتۇكەنوۆ.
ايتا كەتسەك، «شالا قازاق» ٴفيلمى رەجيسسەردىڭ جەكە ٴوزى تۇسىرگەلى جاتقان العاشقى جۇمىسى. 2011 جىلى ول «قازاقفيلم» كينوستۋدياسىندا جارىققا شىققان «سۋپەر باحا» اتتى كومەديانىڭ سسەنارييىن جازۋعا اتسالىسىپ، ٴفيلمنىڭ تەڭ رەجيسسەرى بولدى. كەيىن تولەگەن بايتۇكەنوۆ كينوستۋديانىڭ «دەبيۋت» شىعارماشىلىق-وندىرىستىك بىرلەستىگىندە «تۇشپارا جانە راحمانينوۆ» اتتى قىسقامەتراجدى فيلم تۇسىرگەن. بۇل ٴفيلمنىڭ سسەنارييىن دە اۆتوردىڭ ٴوزى جازعان.
ايتا كەتسەك، اتالعان جوبانىڭ قورعالىمىنا ەلىمىزدىڭ تانىمال كينەماتوگرافيستەرى قاتىستى، ولاردىڭ قاتارىندا، كينوستۋديانىڭ «كوركەم فيلمدەر» شىعارماشىلىق-وندىرىستىك بىرلەستىگىنىڭ جەتەكشىسى، بەلگىلى كينورەجيسسەر ساتىبالدى نارىمبەتوۆ تە بولدى. ول ٴفيلمنىڭ سسەنارييى ٴبىرشاما وزگەرگەنىن جانە ونى جازۋدا ٴبىراز جۇمىس اتقارىلعاندىعىن بايقاعانىن ايتىپ، كاسىبي كينوگەرلەردەن قۇرالعان شىعارماشىلىق توپقا ساتتىلىك تىلەدى.
مسم ٴباسپاسوز قىزمەتى ٴمالىم ەتكەندەي، فيلمدە باستى رولدەردى اقىلحان اسىلوۆ، دينا تاسبولاتوۆا، شىڭعىس كاپين سىندى جاس اكتەرلەر سومدايدى. «شالا قازاق» ٴفيلمىنىڭ ەكشن-قويىلىمدارىن جۇزەگە اسىرۋ ٴۇشىن باحودىر جالمەتوۆ باستاعان «جال» اتتى كاسكادەرلىق اسسوسياسياسىنىڭ توبى تارتىلعان.
ٴفيلمنىڭ ٴتۇسىرۋ جۇمىستارى 10 تامىزدا باستالادى. رەجيسسەردىڭ ايتۋىنا قاراعاندا كارتينانىڭ ٴتۇسىرۋ جۇمىستارى ٴبىر ايماقتا – الماتى وبلىسى قاپشاعاي قالاسىنان 40 شاقىرىم جەردە ورنالاسقان بريگادير اۋىلىندا وتەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
