BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سامال ەسلياموۆانىڭ جەڭىسى تۋرالى پرەزيدەنتكە 5 كۇن كەشىكتىرىپ حابارلادىق - مۇحامەدي ۇلى

فوتو: ашық дереккөзден

استانا، baq.kz ٴتىلشىسى. بۇگىن مادەنيەت جانە سپورت ٴمينيسترى ارىستانبەك مۇحامەدي ۇلى ۇكىمەت ۇيىندە مينيسترلىكتىڭ 2018 جىلعى جۇمىسىن قورىتىندىلادى. ول بيىلعى جىلدىڭ باستى جاڭالىعى – اكتريسا سامال ەسلياموۆا ەكەنىن ايتتى.

«تاعى ٴبىر ماڭىزدى، بىرەگەي وقيعا – سامال ەسلياموۆانىڭ كانن كينوفەستيۆالىنىڭ («ايكا» فيلمىندەگى ۇزدىك ايەل ٴرولى-اۆت.ەسكەرت.) باستى جۇلدەسىن الۋى. سالىستىرۋ ٴۇشىن ايتسام، كەڭەس ۇكىمەتى كەزىندە «لەتيات جۋراۆلي» فيلمىندە باستى ٴرولدى سومداعان اكتريسا تاتيانا سامويلوۆا كورەرمەن كوزايىمىنا اينالعان بولاتىن. سول كەزدە بۇكىل كەڭەس وداعى اكتريسانىڭ تانىمال بولعانىنا قۋانىپ، بۇنى كانن فەستيۆالىندەگى ۇلكەن جەتىستىك دەگەن ەدى. ال ٴبىزدىڭ سامال ەسلياموۆا ۇزدىك ايەل ٴرولى ٴۇشىن باستى جۇلدە الدى»، - دەدى مۇحامەدي ۇلى.

مينيستر وسىنداي جاعىمدى جاڭالىقتى مەملەكەت باسشىسىنا 5 كۇن كەشىكتىرىپ جەتكىزگەنىن دە ايتتى.

«مىناداي جاعداي بولدى – بۇل جۇما كۇنى ەدى، ٴبىز سونداي جەتىستىكتەردى مەملەكەت باسشىسىنا حابارلاۋىمىز كەرەك. ارينە، مەملەكەت باسشىسى قۋانا-قۋانا قۇتتىقتايدى عوي. ٴبىراق، بۇل ىسپەن كەشىكتىك. ٴبىز سامال ەسلياموۆانىڭ كانن فەستيۆالىندە باستى جۇلدە العانى جايلى اقپاراتتى پرەزيدەنت اكىمشىلىگىنە تەك سەيسەنبى كۇنى جەتكىزدىك. بارلىعى «نەگە تەك 5 كۇن وتكەن سوڭ مالىمەت بەرەسىڭدەر» دەپ نارىزىلىق ٴبىلدىردى. شىنىن ايتسام، مەن ٴوزىم سەنبەدىم. جۇما، سەنبى، جەكسەنبىدە – ەۋرونيۋس، بارلىق ارنالاردى قارايمىز، مۇمكىن كورەرمەن كوزايىمىنا اينالعان شىعار، مۇمكىن قازىلار القاسىنىڭ جۇلدەسىن العان شىعار، ٴبىراق ٴبىزدىڭ اكتريسانىڭ باستى جۇلدەنى الۋى مۇمكىن ەمەس دەدىم. بۇكىل مينيسترلىك بولىپ قارادىق»، - دەدى ارىستانبەك مۇحامەدي ۇلى.

مينيستر كانن فەستيۆالىنە «بۇل شىنىمەن دە باستى جۇلدە مە، راستاڭىزشى» دەپ ساۋال جىبەرگەنىن دە ايتتى. ولار «ٴبىزدىڭ سايتتى اشىڭىز، سول جەردە بارلىق اقپارات بار» دەپ جاۋاپ جازعان ەكەن.

«ٴبىز سول كەزدە عانا سەنىمدى بولدىق. تەك سەيسەنبى كۇنى اقپارات بەردىك، سەبەبى، شىنىن ايتساق، بۇل وتە ۇلكەن جەتىستىك. پوستكەڭەستىك ەلدەردىڭ ەشقايسىسى كانن فەستيۆالىنىڭ وسىنداي جوعارى ناگراداسىنا يە بولعان جوق. بۇنى ونەر سالاسىنداعى نوبەل سىيلىعىنا تەڭەۋگە بولادى. سىزدەر نوبەل سىيلىعى ادەبيەت جəنە تاعى باسقا ٴۇشىن بەرىلەتىنىن بىلەسىزدەر، ال ونەر سالاسىنداعى ەڭ جوعارى ناگرادا – كانن فەستيۆالىندەگى ۇزدىك رولدەر ٴۇشىن بەرىلەتىن جۇلدەلەر. ٴ3-شى قاڭتار كۇنى سامال ەسلياموۆا مەن رەجيسسەر سەرگەي دۆورسەۆوي لوس-اندجەلەسكە ۇشادى. سەبەبى، «ايكا» ٴفيلمى شورت-تىزىمگە («وسكار» سىيلىعىنىڭ –اۆت.ەسكەرت) ىلىككەن بولاتىن. ەندىگى ٴبىزدىڭ مىندەتىمىز – وسى ٴفيلمنىڭ العا قاراي جىلجۋى. ٴبىز دۆورسەۆويمەن كۇندەلىكتى حابارلاسىپ، بارلىق بىرلەسكەن ارەكەتتەرىمىزدى ۇيلەستىرىپ تۇرامىز. «ايكا» ٴفيلمى بەدەلدى «وسكار» سىيلىعىنىڭ نومينانتى بولادى دەگەن سەنىمىمىز مول»، - دەدى مۇحامەدي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي