BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سامال ەسلياموۆا تۇسكەن «ايكا» ٴفيلمى گەرمانيادا باس جۇلدە الدى

استانا، baq.kz. قازاقستاندىق اكتريسا سامال ەسلياموۆا باستى ٴرولدى سومداعان «ايكا» ٴفيلمى گەرمانيانىڭ كوتتبۋس قالاسىندا وتكەن حالىقارالىق كينوفەستيۆالدە گران-پريگە يە بولدى. بۇل تۋرالى «حابار 24» ارناسى حابارلادى.

كونكۋرستا 40 ەلدەن 190 فيلم سىنعا تۇسكەن. گران-پريمەن قاتار «ايكا» قازىلاردىڭ ارنايى جۇلدەسىن دە قانجىعاعا بايلادى.

كينوتۋىندىنى نەمىس رەجيسسەرى سەرگەي دۆورسەۆوي تۇسىرگەن. ەڭبەك ميگرانتىنىڭ ٴومىرى مەن ونىڭ ماسكەۋدە كورگەن قيىنشىلىقتارى تۋرالى فيلمگە جەرگىلىكتى كورەرمەندەر جوعارى باعا بەرگەن.

ولاردىڭ ايتۋىنشا، سامال ەسلياموۆانىڭ ٴرولدى شىنايى، اسقان شەبەرلىكپەن سومداۋى ٴفيلمنىڭ وزگە باسەكەلەستەرىنەن دارالانىپ، وزىق شىعۋىنا سەپ بولعان.

سامال ەسلياموۆا كانن فەستيۆالىندە ۇزدىك اكتريسا اتانعان ەدى.

«ايكا» ٴفيلمىنىڭ رەجيسسەرى سەرگەي دۆورسەۆوي اكتريسانىڭ كارتينا ٴۇشىن قىرعىز ٴتىلىن ۇيرەنىپ، جاقسى ويناپ شىققانىن ايتتى.

"مەن مۇنداي فەستيۆالدەرگە كوپتەن بەرى قاتىسىپ كەلەمىن. ەڭبەگىڭنىڭ باعالانعانى قۋانتادى، ارينە. ٴفيلمنىڭ تۇسىرىلىمىنە دايىندىق باستالعاندا، ويلانباستان سامالدى رولگە بەكىتتىم. ۇلتى قىرعىز بولماسا دا، قىرعىز ٴتىلىن ۇيرەنىپ، وتە جاقسى وينادى"، - دەدى رەجيسسەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي