«وزەن» ٴفيلمىنىڭ ٴتۇسىرىلىم جۇمىستارى باستالدى

ش.ايمانوۆ اتىنداعى «قازاقفيلم» كينوستۋدياسىندا رەجيسسەر ەمير ٴبايعازيننىڭ «وزەن» اتتى كينوجوباسىنىڭ قورعالىمى ٴوتتى، دەپ حابارلايدى baq.kz ٴتىلشىسى «قازاقفيلم» اق ٴباسپاسوز قىزمەتىنە سىلتەمە جاساپ. جاسوسپىرىمدەر تۋرالى باياندايتىن بۇل تريلوگيا «اسلاننىڭ ساباقتارى» جانە «ٴتورت وقيعا» اتتى فيلمدەردىڭ جالعاسى. ٴفيلمىنىڭ ٴتۇسىرىلىم جۇمىستارى 10 شىلدە كۇنى الماتى وبلىسىندا باستالادى.

تريلوگيانىڭ ٴۇشىنشى ٴبولىمى بولعان «وزەن» فيلمىندە اسلان ەسىمدى ٴجاسوسپىرىمنىڭ ٴومىرى باياندالادى. فيلمدە وزىنەن كەيىنگى باۋىرلارىنا قامقور جانە سۇيەۋ بولا ٴبىلسىن، مىنەزدى بولىپ ٴوسسىن دەگەن نيەتپەن اكەسى اسلاندى قاتاڭدىقتا تاربيەلەيدى. تريلوگيانىڭ الدىڭعى ەكى ٴبولىمى – «اسلاننىڭ ساباقتارى» («ۋروكي گارمونيي») جانە «ٴتورت وقيعا» («رانەنىي انگەل») فيلمدەرىن قامتيدى. ٴفيلمىنىڭ ٴتۇسىرىلىم جۇمىستارى الماتى وبلىسىندا ۇستىمىزدەگى جىلدىڭ شىلدە ايىنىڭ 10-ىنان باستالادى.
ەستەرىڭىزدە بولسا، بىلتىر «وزەن» ٴفيلمى ٴۇشىن جاسوسپىرىمدەر اراسىندا رەسپۋبليكالىق كاستينگ جاريالانعان بولاتىن. ۇزاققا سوزىلعان فوتو جانە بەينە سىناقتاردان كەيىن 13 جاستاعى اسلاننىڭ رولىنە جالعاس كلانوۆ ەسىمدى اكتەر بەكىتىلدى. ال ونىڭ باۋىرلارىن سومدايتىن اكتەرلار: باعداۋلەت ساعىندىقوۆ، جاسۇلان جانە رۋسلان وسەربايەۆتار، ەريك تازابەكوۆ. اكەلەرىنىڭ ٴرولىن ەلىمىزدىڭ تانىمال اكتەرى قۋاندىق قىستىقبايەۆ سومدايدى.
رەجيستتەر ەمير بايعازين حالىقارالىق بەرلين كينوفەستيۆالىنىڭ نەگىزگى بايقاۋىندا قاتىسقان تۇڭعىش قازاقستاندىق رەجيسسەر. 2013 جىلى وسى فەستيۆالدە ونىڭ دەبيۋتتىك «اسلاننىڭ ساباقتارى» ٴفيلمى «كۇمىس ايۋ» جۇلدەسىمەن جانە «morgen post» گازەتىنىڭ ارنايى جۇلدەسىمەن ماراپاتتالعان بولاتىن. اتالعان تۋىندى ورتا ەسەپپەن 50-دەن استام فەستيۆالدەردە كورسەتىلىپ، 25 شاقتى جۇلدەلەرگە قول جەتكىزدى. بۇدان بولەك رەجيسسەردىڭ «ٴتورت وقيعا» ٴفيلمى دە 2016 جىلى اقپان ايىندا حالىقارالىق بەرلين كينوفەستيۆالىندە تۇساۋى كەسىلگەن. كەيىن بۇل كينوتۋىندى گەرمانيادا وتكەن funf seen filmfest فەستيۆالىندە، چوندجۋدا (وڭتۇستىك كورەيا) وتكەن فەستيۆالدە ارنايى جۇلدەگە جانە سلوۆاكيا ەلىندە وتكەن art film fest فەستيۆالىندە «ۇزدىك رەجيسسەر» جۇلدەسىنە قول جەتكىزدى. ونىڭ فيلمدەرى تەك قازاقستاندا ەمەس، ەۋروپا ەلدەرىندە پروكاتقا شىقتى.

تەگي
• كينو
• فيلم
• قازاقفيلم

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!