BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«وزەن» ٴفيلمىنىڭ تۇساۋكەسەرى ۆەنەسيا كينوفەستيۆالىندە وتەدى

فوتو: kazakhfilmstudios.kz

قازاقستان رەجيسسەرى جانە سسەناريسى ەمير بايعازين تۇسىرگەن «وزەن» («رەكا») كوركەم ٴفيلمى حالىقارالىق ۆەنەسيا كينوفەستيۆالىنىڭ «كوكجيەكتەر» (گوريزونتى) اتتى باعدارلاماسىنا ىرىكتەلىپ الىندى، دەپ حابارلايدى baq.kz اقپارات اگەنتتىگى kazakhfilmstudios.kz سايتىنا سىلتەمە جاساپ.

بۇل كونكۋرستىق باعدارلامادا كينەماتوگرافيا سالاسى دامۋىنىڭ جاڭا تەندەنسيالارىن ۇسىناتىن كوركەم جانە دەرەكتى فيلمدەر كورسەتىلەدى. «وزەن» ٴفيلمىنىڭ وسى باعدارلاماعا قاتىساتىنى تۋرالى بۇگىن ۆەنەسيا كينوفەستيۆالىنىڭ ارنايى ٴباسپاسوز وتىرىسىندا بەلگىلى بولدى.

«وزەن» ٴفيلمى – اسلان تۋرالى تۇسىرىلگەن تريلوگيانىڭ سوڭعى ٴبولىمى. ونىڭ الدىندا تۇسىرىلگەن «اسلاننىڭ ساباقتارى» («ۋروكي گارمونيي») جانە «ٴتورت وقيعا» («رانەنىي انگەل») فيلمدەرى 2013 جانە 2016 جىلدارى حالىقارالىق بەرلين كينوفەستيۆالىنىڭ نەگىزگى باعدارلاماسىندا كورسەتىلگەن بولاتىن.

«وزەن» ٴفيلمى وركەنيەتتەن الىس جەردە تۇراتىن، قالادان كەلگەن قوناقتان كەيىن ومىرلەرى كۇرت وزگەرە باستاعان بەس اعايىندى تۋرالى باياندايدى. ٴفيلمنىڭ ٴتۇسىرۋ جۇمىستارى وڭتۇستىك قازاقستان وبلىسىندا جۇرگىزىلدى. كارتينادا باستى رولدەردى قازاقستاننىڭ تۇكپىر-تۇكپىرىنەن جينالعان كاسىبي ساۋاتى جوق اكتەرلەر سومدادى. ايتا كەتسەك، بۇل كارتينادا ەمير بايعازين قويۋشى وپەراتور جانە باس پروديۋسەر قىزمەتىن اتقارعان.

«ەكى جىل ىشىندە فيلم ٴتۇسىرىلىمى بارىسى تۋرالى ەشقانداي دا اقپاراتپەن بولىسپەگەن ەدىك، ەندى مىنە كورەرمەنگە ۇسىنا الاتىنىزعا قۋانىشتىمىز»، - دەدى ەمير بايعازين.

مەرەيتويلىق حالىقارالىق ۆەنەسيا كينوفەستيۆالى 2018 جىلى 29 تامىز بەن 8 قىركۇيەك ارالىعىندا وتەدى.

بىلتىر رەجيسسەر ەمير ٴبايعازيننىڭ ەسىمى «رۋحاني جاڭعىرۋ» باعدارلاماسى اياسىندا جالپىحالىقتىق ونلاين-داۋىس بەرۋ ارقىلى قۇراستىرىلعان «قازاقستاننىڭ 100 جاڭا ەسىمى» تىزىمىنە كىرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي