استانا: 
1983 
0
وڭتۇستىك قازاقستاندا «جانۇيا» ٴفيلمى تۇسىرىلۋدە.تولىقمەتراجدى درامالىق شىعارما وبلىستىق جاستار ساياساتى ماسەلەلەرى جونىندەگى باسقارماسىنىڭ «جاستار رەسۋرستىق ورتالىعى» كوممۋنالدىق مەملەكەتتىك مەكەمەسىنىڭ تاپسىرىسىمەن «وڭتۇستىك جاستارى» جوباسى اياسىندا جاسالىپ وتىر، دەپ حابارلايدى وقو اكىمدىگىنىڭ ٴباسپاسوز قىزمەتى.
وتباسىلىق قۇندىلىقتاردى قۇرمەتتەۋ، اتا-انا مەن بالانىڭ قارىم-قاتىناسىن دۇرىس جولعا سالۋ، قازىرگى قوعامدا ورىن العان وتباسىلىق كەلەڭسىزدىكتەردى سۋرەتتەپ، وعان جول بەرمەۋدى كوزدەيتىن تۋىندىدا، كەرىسىنشە ۇلكەنگە قۇرمەت، كىشىگە ىزەت كورسەتۋ، جالپى تاربيەلىك ۇعىمدار ناسيحاتتالماق.
بەينەتۋىندىنىڭ رەجيسسەرى كوپشىلىككە تانىمال سەرىك تالاسوۆ. جالپى ٴتۇسىرىلىم شىمكەنت قالاسىندا وتۋدە.بەينەفيلمنىڭ باستى رولدەرىن قازاق كينوسىنىڭ تانىمال اكتەرلارى ەرجان جارىلقاسىن (ەلباسى جايىندا «مەنىڭ بالالىق شاعىمنىڭ اسپانى» ك/ف-گى ٴابىش اكەيدىڭ جاس كەزى، «استاناعا كوكتەم كەش كەلەدى» ك/ف، ت.ب)، ج.شانين اتىنداعى وبلىستىق اكادەميالىق دراما تەاترىنىڭ اكتريساسى اقمارال ماحانوۆا، «شانشار» ٴازىل-وسپاق تەاترىنىڭ ٴارتىسى عالىمجان قالىبايەۆ، جاستار اراسىندا تانىمال بولىپ ۇلگەرگەن وڭتۇستىكتىڭ تۋماسى اكتەر ولجاس بەكباۋوۆ سومدايتىن بولادى. سونىمەن قاتار، ٴفيلمنىڭ كەيبىر تۇسىرىلىمدەرىنە تامىز ايىنىڭ باسىندا كاستينگكە قاتىسىپ، اكتەرلىك قابىلەتىن كورسەتە بىلگەن ٴبىرقاتار ازاماتتار قاتىسپاق.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5283
0