استانا: 
5997 
0
ديسنەي ستۋدياسى ۇسىنعان تولىقمەتراجدى «موانا» ٴمۋلتفيلمىنىڭ قازاق تىلىندەگى ترەيلەرى جارىق كوردى. ٴمۋلتفيلمنىڭ تۇساۋكەسەرى 2016 جىلى 1 جەلتوقسان كۇنىنە جوسپارلانعان. بۇل تۋرالى kaz.tengrinews.kz حابارلايدى.
ٴفيلمنىڭ سيۋجەتى بويىنشا، قيال الەمدە ٴومىر سۇرەتىن 14 جاستاعى موانا ٴوزىنىڭ ويىنداعى ەرتەگى كەيىپكەرى ٴماۋيدى ىزدەۋ ٴۇشىن مۇحيتقا ساياحاتتايدى. بۇل وقيعا شامامەن 2000 جىل بۇرىن تىنىق مۇحيتىنداعى ارالدارىندا بولادى.
ايتا كەتەيىك، ٴفيلمدى دۋبلياجداۋعا تانىمال انشىلەر مەن اكتەرلەر تارتىلعان. ولاردىڭ اراسىندا ماقپال يسابەكوۆا، بۇركىت، ليديا قادەن مەن باسقا دا انشىلەر مەن اكتەرلەر بار. ال دۋبلياجدىڭ رەجيسسەرى ريتا ابىشەۆا بولسا، مۋزىكالىق ورىنداۋشىسى كۇنىمگۇل بورامبايەۆا.
«موانا» – ۋولت ديسنەي ستۋدياسىندا تۇسىرىلگەن 56-شى مۋلتفيلم. بۇل ٴمۋلتفيلمدى تۇسىرۋدە رەجيسسەرلەر رون كلەمەنتس پەن دجون ماسكەر جۇمىس ىستەگەن. ولار بۇدان بۇرىن «سۋ پەرىسى»، «الاددين»، «گەركۋلەس» پەن «حانشا مەن باقا» مۋلتفيلمدەرىن دە تۇسىرگەن ەكەن. disney «مواناسىنىڭ» اعىلشىن تىلىندەگى نۇسقاسىن اۋليي كراۆالحو (موانا)، قاھارمان وبرازىن سومداپ جۇرگەن دۋەين دجونسون (ماۋي) دىبىستاعان. سونىمەن قاتار، دجەمەين كلەمەنت (تاماتوا)، رەيچەل حاۋس (تالا)، تەمۋەر مورريسون (تۋي)، تانىمال ٴانشى نيكول شەرزينگەر (سينا) دىبىستاۋشىلار تىزىمىنە ەنگەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5280
0