BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر كەيكى باتىر تۋرالى ٴفيلمنىڭ قاشان دايىن بولاتىنىن ايتتى

فوتو: Ержан Жаубай

كەشە استانادا «ماركو پولونىڭ جىبەك جولى» دەرەكتى ٴفيلمىنىڭ العاشقى كورسەتىلىمى ٴوتتى. ٴبىر جىلدىڭ ىشىندە جارىققا شىققان عىلىمي-تانىمدىق ٴفيلمنىڭ كورسەتىلىمىندە قر مادەنيەت جانە سپورت ٴمينيسترى ارىستانبەك مۇحامەدي ۇلى الداعى جىلى تۇسىرىلەتىن كەيكى باتىر تۋرالى دەرەكتى ٴفيلمنىڭ قاشان دايىن بولاتىنىن ايتتى، دەپ حابارلايدى baq.kz ٴتىلشىسى.

«نەگىزى ماركو پولو تۋرالى دا كوركەم فيلم ٴتۇسىرۋدى ويلاعانبىز. دەگەنمەن كوركەم دۇنيە جاساپ شىقپاس بۇرىن ول تۋرالى تولىقتاي زەرتتەپ، زەردەلەپ الۋدى ٴجون كوردىك. سوندىقتان دا «ماركو پولونىڭ جىبەك جولى» عىلىمي-دەرەكتى فيلم جاساۋدى ۇيعاردىق. جالپى تاريحي وقيعالار جەلىسىندە كوركەم فيلم جاساۋ وتە جوعارى دەڭگەيدەگى تالعامپازدىقتى، عىلىمي نەگىزدى تالاپ ەتەدى. سەبەبى تاريحتى بىلەتىن حالىق، فيلمنەن تۋرا سونى كورگىسى كەلەدى. مىسالى «قازاق ەلى» ٴفيلمى دە سونداي. تاريحي دالدىكتى بەرۋ ٴۇشىن كينوكارتينانىڭ زاڭدىلىقتارىنا باعىنباي كەتەتىن جەرلەر بولادى» - دەيدى مينيستر.

ال كەشە عانا ٴمينيستردىڭ ٴوزى ايتقان كەيكى باتىر تۋرالى دەرەكتى فيلمنىڭ قاشان شىعاتىندىعى جايلى ايتتى.

«2017 جىلدىڭ سوڭىندا ٴبىز كەيكى باتىر جايلى عىلىمي-دەرەكتى ٴفيلمدى كورەرمەنگە ۇسىنامىز دەگەن نيەتتەمىز» - دەدى ارىستانبەك مۇحامەدي ۇلى.

ەستەرىڭىزگە سالا كەتەيىك، قر مادەنيەت جانە سپورت مينيسترلىگىنىڭ جۇمىس توبى تانىمال قاھارماننىڭ سىرتقى بەينەسى مەن مۇسىندىك رەكونسترۋكسياسىن ازىرلەۋ بويىنشا عىلىمي جۇمىستار كەشەنىن اياقتاعان بولاتىن. وسى جيىن كەزىندە مادەنيەت جانە سپورت ٴمينيسترى الداعى جىلى كەيكى باتىر تۋرالى دەرەكتى فيلم تۇسىرىلەتىنىن ايتقان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي