استانا: 
ابايدىڭ اكەسىنىڭ ٴومىرى جايلى باياندايتىن «قۇنانباي» تاريحي ٴفيلمى «كۇمىس اقبوزات» ٴىىى حالىقارالىق ۇلتتىق جانە ەتنيكالىق كينوفەستيۆالىنىڭ نەگىزگى باعدارلاماسىنا ەندى. فەستيۆال قازاننىڭ 26-28 ارالىعىندا ۋفا قالاسىندا وتەدى، دەپ حابارلايدى tengrinews.kz.
«كۇمىس اقبوزات» فەستيۆالى الەم حالىقتارىنىڭ رۋحاني جانە مادەني قۇندىلىقتارىن ناسيحاتتاۋعا، ۇلتتىق جانە ەتنيكالىق باعىتتاعى فيلمدەردى تۇسىرەتىن كينەماتوگرافيستەر شىعارماشىلىعىن دارىپتەۋگە، رەسەي ايماقتارى جانە شەتەلمەن مادەني قاتىناستى دامىتۋ ٴۇشىن ويلاستىرىلعان.
فەستيۆالگە قاتىسۋ ٴۇشىن جالپى 254 ٴوتىنىم تۇسكەن. شارانىڭ كونكۋرستىق باعدارلاماسىنا رەسەي، موڭعوليا، يران، قازاقستان، قىرعىزستان، بانگلادەش، ەگيپەت، ۋكراينا، ارمەنيا، اۋعانستان سياقتى ەلدەردەن 24 كارتينا ىرىكتەپ الىندى.
«قۇناناباي» كارتيناسى پروكاتقا 2015 جىلى شىققان بولاتىن. 2016 جىلدىڭ قىركۇيەگىندە ليپەسك قالاسىندا وتكەن xii قازان حالىقارالىق مۇسىلمان كينوسى فەتيۆالىنىڭ كونكۋرستىق باعدارلاماسىندا كورسەتىلدى. سونىمەن بىرگە، 30 قىركۇيەك كۇنى العاشقى ۇلتتىق «تۇلپار» كينو سىيلىعىن ۇسىنۋ كەزىندە دوسحان جولجاقسىنوۆ ۇزدىك ەر ادام ٴرولى جۇلدەسىن، تولەگەن مۇحامەدجانوۆ ۇزدىك كومپوزيتور جۇلدەسىن، ال رۋستام ودينايەۆ «كوركەمدىك قويۋشىنىڭ ۇزدىك جۇمىسى» جۇلدەسىن يەلەندى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1658 
0
5283
0