BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كوشباسشى قۇپيالارى» كوركەم ٴفيلمى پۋسان حالىقارالىق كينوفەستيۆالىنە قاتىسادى

رەجيسسەر فارحات ٴشارىپوۆتىڭ «كوشباسشى قۇپيالارى» كوركەم ٴفيلمى ٴ23-شى حالىقارالىق پۋسان كينوفەستيۆالىنىڭ «ازيا كينوسىنا نازار سالۋ» باعدارلاماسىنا قاتىسىپ، باق سىنايدى، دەپ حابارلايدى baq.kz اقپارات اگەنتتىگى.

كارتينا قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسىندا تۇسىرىلگەن.

«كوشباسشى قۇپيالارى» ٴفيلمى جاسى قىرىققا كەلگەن، ورتا جاس كۇيزەلىسىن باستان كەشىرىپ جۇرگەن بانك قىزمەتكەرى قانات تۋرالى باياندايدى. ول –ارماندامايتىن، ومىردەن ەشتەڭەنى كۇتپەيپىن جان، ٴوزىن جانە ومىرلىك ۇستانىمدارىن جوعالتقان. بىردە قانات تۇلعالىق قالىپتاسۋ – كوشباسشىلىق قاسيەتتەردى دامىتۋ ترەنينگىنە بارادى. كوۋچ-ترەنەر جەتىستىككە قالاي جەتۋ كەرەكتىگىن جانە كوشباسشى بولا ٴبىلۋدىڭ ادىستەرىن ايتادى. كوشباسشى بولۋدىڭ قۇپيالارىن بويىنا سىڭىرە كەلە، قانات ٴوزىن جانە ومىرگە دەگەن كوزقاراسىن وزگەرتۋگە بەكىنەدى. الايدا كەيىپكەردىڭ ٴومىرى ەسكى تانىسى دانياردىڭ پايدا بولۋىمەن كۇرت وزگەرىپ كەتەدى.

«كارتينامنىڭ پۋسانعا ىرىكتەپ الىنعانى جانە ٴفيلمىمدى كورەي حالقى كورە الاتىندىعى قۋانتادى. مەن جاڭا تانىسۋلار مەن كەزدەسۋلەردى اسىعا كۇتۋدەمىن»، - دەدى رەجيسسەر فارحات ٴشارىپوۆ.

پۋسان حالىقارالىق كينوفەستيۆالى ازياداعى ەڭ تانىمال جانە قارقىندى دامىپ كەلە جاتقان فەستيۆال سانالادى. ول كورەي كينوسىنا عانا ەمەس، سونىمەن قاتار، ازيالىق فيلمدەرگە دە كوپ كوڭىل بولەدى جانە ٴوز شەڭبەرىندە جانرى مەن قۇرىلىمى ٴار ٴتۇرلى كەلەتىن تۋىندىلاردى كورسەتۋدى كوزدەيدى.

«ازيا كينوسىنا نازار سالۋ» باعدارلاماسىنان بولەك، كينوالاڭدا «جاڭا اعىمدار»، «بۇگىنگى كورەي كينوسى»، «اشىق كينو» جانە كورەي كلاسسيكاسىنىڭ رەتروسپەكتيۆاسى بولادى. بيىل فەستيۆال اياسىندا 79 ەلدەن 324 فيلم كورسەتىلەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي