BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كورەرمەندەر "مۇزبالاق" ٴمۋلتفيلمىنىڭ قازاقشا سەانسىن كوبەيتۋدى سۇراۋدا

فوتو: Baq.kz

استانا، baq.kz ٴتىلشىسى. كورەرمەندەر "مۇزبالاق" ٴفيلمنىڭ قازاقشا نۇسقاداعى سەانسىنىڭ ازدىعىنا رەنىش ٴبىلدىرىپ، ونى كوبەيتۋدى تالاپ ەتۋدە.

بىرنەشە كۇن بۇرىن ش.ايمانوۆ اتىنداعى "قازاقفيلم" كينوستۋدياسىنىڭ «مۇزبالاق» اتتى انيماسيالىق ٴفيلمى قالىڭ كورەرمەنگە جول تارتقانى بەلگىلى. الايدا كوپشىلىك الەۋمەتتىك جەلىلەردە ٴفيلمدى قىزۋ تالقىلاپ، كينوتەاترلاردا قازاقشا نۇسقاداعى سەانسىنىڭ ازدىعىنا رەنىش ٴبىلدىرىپ، ونى كوبەيتۋدى تالاپ ەتۋدە.

ش.ايمانوۆ اتىنداعى "قازاقفيلم" كينوستۋدياسىنىڭ ٴباسپاسوز قىزمەتىنىڭ جەتەكشىسى اينۇر يسايەۆا ٴوزىنىڭ facebook پاراقشاسىندا كينوتەاترلار جەكە-مەنشىك يەلىگىندەگى مەكەمەلەر بولعاندىقتان، ولارعا ٴمۋلتفيلمدى قاي ۋاقىتقا جانە قاي مولشەردە قويۋ كەرەكتىگىن ايتا المايتىندىقتارىن جازىپتى.

"مۇزبالاق" ٴمۋلتفيلمىن پروكاتقا ەكى تىلدە بەرگەنبىز - قازاق جانە ورىس تىلىندە. كينوتەاترلار جەكەمەنشىك يەلىگىندەگى مەكەمەلەر بولعاندىقتان، ٴبىز ولارعا ٴمۋلتفيلمدى قاي ۋاقىتقا جانە قاي مولشەردە قويۋ كەرەكتىگىن ايتا المايمىز. كينوتەاتر يەلەرى ونى وزدەرى شەشەدى. الايدا، "مۇزبالاق" ٴمۋلتفيلمىنىڭ نەگىزگى اۋديتورياسى قازاق ٴتىلدى كورەرمەندەر بولعاندىقتان، سەانستاردى قايتا قاراستىرۋلارىن سۇرايمىز. ويتكەنى، كينوستۋديانىڭ facebook پەن instagram پاراقشاسىنا كورەرمەندەر تاراپىنان قازاق تىلىندەگى سەانستاردىڭ از ەكەنىن ايتىپ، رەنىشتەرىن ٴبىلدىرىپ جاتىر»، - دەيدى اينۇر يسايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي