BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كەيكى مەرگەندى» ٴتۇسىرۋ كەزىندە كوستيۋمگە كەزەككە تۇردىق – قارين

استانا، baq.kz. استانادا وتكەن ٴباسپاسوز ٴماسىليحاتىندا «qazaqstan» رترك ٴتوراعاسى ەرلان قارين «كەيكى مەرگەن» سەريالىن ٴتۇسىرۋ بارىسىندا كەزدەسكەن كەيبىر كەدەرگىلەردى ايتتى.

«سەريال تۇسىرۋدە بەلگىلەنگەن قارجىلىق مەجە بار. وكىنىشكە قاراي، ٴبىز ول مەجەدەن اسىپ كەتە المايمىز. دەگەنمەن سەريالدىڭ قارجىلىق شىعىنى 110 ملن تەڭگە كولەمىندە بولدى» - دەيدى ول.

سونىمەن قاتار، ەرلان قارين سەريالدى جاساۋ بارىسىندا ٴبىرقاتار كەدەرگىلەر بولعانىن ايتتى.

«بۇل ٴبىر جاعىنان بىزگە ٴتيىمدى دە بولدى. سەبەبى «كەيكى مەرگەندى» ٴتۇسىرىپ جاتقان كەزدە ەلىمىزدە باسقا دا بىرنەشە تاريحي سەريالداردىڭ ٴتۇسىرىلىمى جۇرگەنىن بىلەسىزدەر. مىسالى، «قازاق ەلى»، «توميريس» سەريالدارى بىزبەن قاتار ٴتۇسىرىلدى. وسى كەزدە ٴتۇسىرىلىم الاڭىنا، دەكوراسيالىق الاڭداردا، ٴتىپتى تاريحي كوستيۋمدەردى جالعا الۋعا كەزەككە تۇرىپ قالعان كەزدەرىمىز بولدى. ەكىنشى جاعىنان كاستيۋم، دەكوراسيا جاساۋ جاعىنان بىزگە جەڭىلىرەك بولدى» - دەيدى كورپوراسيا باسشىسى.

مۇنان بولەك، «كەيكى مەرگەن» فيلمىندە وتكەن جىلى «qazaqstan» ارناسى تۇسىرگەن «تار زامان» تەلەحيكاياسىندا ويناعان اكتەرلەر ونەر كورسەتەدى.

«تار زامان» دا، «كەيكى مەرگەن» دە ٴبىر داۋىردە، ٴبىر كەزەڭدە بولعان وقيعالاردى سيپاتتايدى. سوندىقتان ٴبىز كەيبىر كەيىپكەرلەردى ەكى فيلمدە دە ويناتتىق. مىسالى وتكەن جىلى «تار زاماندا» ٴمىرجاقىپ دۋلاتوۆتىڭ ٴرولىن سومداعان اكتەر، بيىل «كەيكى مەرگەندە» دە ٴمىرجاقىپتى وينايدى. بۇل كەيىپكەرلەردىڭ سەنىمدى شىعۋىنا اسەر ەتەدى» - دەيدى ەرلان قارين.

ەستەرىڭىزگە سالا كەتەيىك، بۇعان دەيىن «كەيكى مەرگەن» ٴفيلمىنىڭ تاۋەلسىزدىك كۇنى قارساڭىندا ەفيرگە شىعاتىنىن ايتقان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي