قازاقستانعا كەلىپ، شاپان كيگەن نيكولاس كەيدج ينتەرنەت-مەمگە اينالدى

الەۋمەتتىك جەلى قولدانۋشىلارى اكتەردىڭ شاپان كيگەندەگى تۇرىنە تاڭدانىپ، ول قىمىزدى كوپ ٴىشىپ قويعان دەگەن جورامال جاسادى. بۇل تۋرالى lenta.ru جازادى.

الەۋمەتتىك جەلى قولدانۋشىلارى استانادا «ەۋرازيا» كينوفەستيۆالىنە قاتىسىپ، قازاقتىڭ ۇلتتىق شاپانى مەن تەرى تىماق كيىپ سۋرەتكە تۇسكەن گولليۆۋد اكتەرى نيكولاس كەيدجدى ٴاجۋا ەتىپ جاتىر. كەيدج بەن قازاقستاننىڭ حالىق ٴارتىسى ايمان مۇساحودجايەۆانىڭ بىرگە تۇسكەن سۋرەتى مەمگە اينالىپ، فوتوجابتار پايدا بولدى.

نيكولاس كەيدجدىڭ بۇل سۋرەتى جاريا بولعاننان كەيىن قازاقستاندىق الەۋمەتتىك جەلى قولدانۋشىلارى دا قازاقى شاپان مەن قالپاق كيگەن سۋرەتتەرىن جاريالاي باستاعان بولاتىن.

نيكولاس كەيدج — امەريكالىق اكتەر، پروديۋسەر جانە رەجيسسەر، «وسكار» جانە «التىن گلوبۋس» سىيلىقتارىنىڭ لاۋرەاتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!