BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل قازاقستاندىق كينولار 11 حالىقارالىق جۇلدەنى جەڭىپ الدى

استانا، baq.kz. 2018 جىل قازاقستاننىڭ كينويندۋسترياسى ٴۇشىن جەمىستى جىل بولدى. بۇگىن قر پرەزيدەنت اكىمشىلىگىنىڭ ىشكى ساياسات ٴبولىمىنىڭ مەڭگەرۋشىسى ايدا بالايەۆا «رۋحاني جاڭعىرۋ» باعدارلاماسى بويىنشا جۇمىس توبىنىڭ ۇلتتىق وتىرىسىندا وتاندىق كينوكارتينالاردىڭ جەتىستىگى تۋرالى وسىلاي ايتتى.

«تەاتر مەن كينو ٴاردايىم قازاقستاندىق مادەنيەتتىڭ ماڭىزدى اسپەكتىلەرى بولىپ تابىلادى. سوندىقتان ٴتۇرلى فورماتتاعى شارالار كەشەنىن ۇيىمداستىردىق. ولاردىڭ ىشىندە قازاقستاندىق وپەرا جانە بالەت ترۋپپالارىنىڭ بەلسەندى گاسترولدىك قىزمەتى دە بار. «astana opera»، اباي اتىنداعى وپەرا جانە بالەت تەاترى، «استانا بالەت» جانە باسقا دا ۇجىمدار ەۋروپا مەن ازيا ەلدەرىنىڭ كورەرمەندەرىن ۇلتتىق وپەرا قويىلىمدارىمەن تانىستىرىپ ٴجۇر»، - دەدى ٴبولىم مەڭگەرۋشىسى.

ايتۋىنشا، 2018 جىلى قازاقستان حالىقارالىق ارەناداعى ٴتۇرلى كينوفەستيۆالگە بەلسەنە قاتىستى.

«بيىل مادەنيەت جانە سپورت مينيسترلىگىنىڭ قولداۋىمەن ٴ71-شى كانن كينوفەستيۆالىندە قازاقستان پاۆيلونى اشىلدى. وندا «ەۋرازيا» حالىقارالىق كينوفەستيۆالىنىڭ تانىستىرىلىمى ٴوتتى، سونداي-اق ٴبىرقاتار قازاقستاندىق فيلمدەردىڭ ترەيلەرلەرى كورسەتىلدى. جىل باسىنان بەرى «قازاقفيلم» اق 18 ٴفيلمى 14 حالىقارالىق كينوفەستيۆالگە قاتىسىپ، 11 جۇلدە جەڭىپ الدى»، - دەيدى ايدا بالايەۆا.

ول «اناعا اپارار جول» ٴفيلمىنىڭ نيۋ-يوركتەگى welink حالىقارالىق كينوفەستيۆالىندە «ۇزدىك كوركەم فيلم» جۇلدەسىن يەلەنگەنىن دە ەسكە سالدى. مادەنيەت مينيسترلىگىنىڭ تاپسىرىسىمەن جانە مەسەناتتاردىڭ قولداۋىمەن تۇسىرىلگەن «امىرە» ٴفيلمى silver screen film (سيلۆەر سكرين فيلم) ماراپاتىن العان.

بۇل تۋىندى گولليۆۋدتاعى كينوفەستيۆالدىڭ اقتىق سىنىنا شىققان.

«قازاقستاندىق كينو كۇندەرى دە جاقسى ناتيجە بەرۋدە. بيىل قازاقستاندىق كينو كۇندەرى يتاليادا، ەستونيادا جانە وزگە دە ەلدەردە ۇيىمداستىرىلدى»، - دەدى بالايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي