BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقفيلم» سسەنارييلەر بايقاۋىنىڭ جەڭىمپازدارىن انىقتادى

قر مادەنيەت جانە سپورت مينيسترلىگى تاپسىرىسى بويىنشا شاكەن ايمانوۆ اتىنداعى «قازاقفيلم» اق-نىڭ «دەبيۋت» شىعارماشىلىق بىرلەستىگى 2017 جىلى تۇسىرگەن قىسقامەتراجدى فيلمدەردىڭ ارنايى كورسەتىلىمى الماتى قالاسىنداعى «ارمان» كينوتەاترىندا ٴوتتى. سونداي-اق مادەني ٴىس-شارا بارىسىندا سسەنارييلەر بايقاۋىنىڭ بيىلعى جەڭىمپازدار ٴتىزىمى جاريالاندى، دەپ حابارلايدى baq.kz اقپارات اگەنتتىگى.

كورسەتىلىم اياسىندا 2017 جىلدىڭ سوڭىندا وندىرىسكە جىبەرىلگەن فيلمدەر، ولاردىڭ قاتارىندا: «اسان» (رەجيسسەرى بەرىك جاحانوۆ)، «شىرعالاڭ»/«جۇت» (رەجيسسەرى جاندوس ەسپەنبەتوۆ)، «سوڭعى ٴمۇعالىم»/ «تەرپيموست» (رەج. الەن راحمەتاليەۆ)، «وزگەرىس»/«تيۋبەتەيكا» (رەج. ارمان بايمۇراتوۆ)، «تىعىلماق» (رەج. ۆەنەرا كايىرجانوۆا) كارتينالارى كورسەتىلدى.

كورسەتىلىمنەن كەيىن فيلمدەردىڭ رەجيسسەرلەرى، ش.ايمانوۆ اتىنداعى «قازاقفيلم» اق-ى «دەبيۋت» شىعارماشىلىق-وندىرىستىك بىرلەستىگىنىڭ جەتەكشىسى انار قاشاعانوۆا مەن اتالعان بىرلەستىكتىڭ كوركەمدىك جەتەكشىسى دارەجان ومىربايەۆتىڭ قاتىسۋىمەن ٴباسپاسوز وتىرىسى ٴوتتى.

ٴباسپاسوز كونفەرەنسياسى بارىسىندا بىرلەستىكتىڭ جەتەكشىسى انار قاشاعانوۆا بۇل كورسەتىلىمنىڭ باستى ماقساتى – جاس رەجيسسەرلەردىڭ جۇمىستارىن قولداۋ ٴارى ىنتالاندىرۋ، وسكەلەڭ كينەماتوگرافيستەردىڭ دەبيۋتتىك فيلمدەرىنە قىزىعۋشىلىق ارتتىرۋ ەكەنىن ايتتى.

- «دەبيۋت» شىعارماشىلىق-وندىرىستىك بىرلەستىگى جىل سايىن وتاندىق كينەماتوگرافتى ٴبىرقاتار جاڭا ەسىمدەرمەن تولىقتىرىپ وتىرادى. ٴبىزدىڭ بىرلەستىكتە تۇسىرىلگەن قىسقامەتراجدى فيلمدەر حالىقارالىق كينوفەستيۆالدەردە لايىقتى باعاسىن الىپ، ماراپاتتارعا قول جەتكىزىپ جاتىر. مىسالى «اسان» جانە «تىعىلماق» فيلمدەرى مامىردىڭ ٴ8-ى مەن 19-ى ارالىعىندا فرانسيادا وتكەن حالىقارالىق كانن كينوفەستيۆالىنىڭ short film corner باعدارلاماسى اياسىندا كورسەتىلدى. «تىعىلماق» ٴفيلمى جاقىندا عانا وتكەن «ەۋرازيا» جانە «ەرتىس سينەما» كينوفەستيۆالدەرىندە دە باق سىنادى، - دەدى انار قاشاعانوۆا.

ايتا كەتەلىك، «قازاقفيلم» كينوستۋدياسى بيىل دا سسەنارييلەر بايقاۋىن جاريالاعان بولاتىن. بايقاۋعا 80-نەن استام جۇمىستار ٴتۇسىپ، ونىڭ 10-ىن ىرىكتەۋ

كوميسسياسى تاڭداپ العان. ناتيجەسىندە ش.ايمانوۆ اتىنداعى «قازاقفيلم» اق-ى «دەبيۋت» شىعارماشىلىق-وندىرىستىك بىرلەستىگى تومەندە كورسەتىلگەن ون قىسقامەتراجدى فيلمدەردىڭ اۆتورلارىمەن ٴوندىرىس بويىنشا كەلىسىم جاساستى:

«ستاتۋسى: بوس ەمەس» (رەج. ٴمادي بالجانوۆ)، «جۇلدىزدار» (رەج. بەكسۋلتان ٴانۋاروۆ)، «پايداسىز جاراتىلىستار» (رەج. جانىبەك مۇرتازين)، «دومبىرا» (رەج. رامازان حاليوللا)، «جيۋل ۆەرن تۋرالى ەمەس» («سارى كويلەك»، رەج. تالعات ابىشەۆ)، «مۋزا» (رەج. ارمان قايىرجان)، «قوس اعاش» (رەج. راحىمجان قالدىگوز)، «تيىن» (رەج. مۇرات ەسجان)، «تامىز» (رەج.جاندوس كۇسايىنوۆ) جانە «تىنىشتىق ٴانى» (رەج.باعلان كۇدايبەرليەۆ).

ىرىكتەۋدەن وتكەن سسەنارييلەردىڭ اننوتاسيالارى:

«پايداسىز جاراتىلىستار»

سسەناريي اۆتورلارى: جانىبەك مۇرتازين، باۋىرجان مولداشبايەۆ.

رەجيسسەرى: جانىبەك مۇرتازين

جاڭا فيلم تۇسىرۋگە بەل بۋعان ەكى ەر ادام تۋرالى باياندايدى.

«جۇلدىزدار»

سسەناريي اۆتورى: اسقار ابدوللايەۆ

رەجيسسەرى: بەكسۇلتان ٴانۋاروۆ

ٴتۇن جامىلعاندا كىشكەنتاي قىز اعىپ بارا جاتقان جۇلدىزدارعا قاراپ ارماندايدى.

«تامىز»

سسەناريي اۆتورى جانە رەجيسسەرى: جاندوس كۇسايىنوۆ

فيلم پوستكەڭەستىك كەزەڭدە وبلىس قالالارىنىڭ بىرىندە تۇراتىن بالا تۋرالى. ول باسىنا تۇسكەن قيىندىقتاردى شەشۋگە بەل بۋادى.

«ستاتۋسى: بوس ەمەس»

سسەناريي اۆتورى جانە رەجيسسەرى: ٴمادي بالجانوۆ

سۇيگەن قىزىنىڭ ٴجۇرىس-تۇرىسىن ۇنەمى قاداعالايتىن ەر جىگىت تۋرالى فيلم.

«دومبىرا»

سسەناريي اۆتورى: رامازان حاليوللا، جانات جايلىباي

رەجيسسەرى: رامازان حاليوللا

فيلمدە 8 جاستاعى احمەت ەسىمدى بالانىڭ ٴومىرى باياندالادى. دومبىرانىڭ قۇلاعىندا وينايتىن ول ايگەرىمنىڭ سۇلۋلىعىنا تامسانىپ ٴجۇرىپ، اسپابىن جوعالتىپ الادى.

«قوس اعاش»

سسەناريي اۆتورى: شىڭعىس مامانوۆ

رەجيسسەرى: راحىمجان قالدىگوز

جول اپاتىنان زارداپ شەككەن وتباسى تۋرالى فيلم.

«جيۋل ۆەرن تۋرالى ەمەس» («سارى كويلەك»)

سسەناريي اۆتورى: ٴادىل نۇرمۇحامبەتوۆ

رەجيسسەرى: تالعات ابىشەۆ

اناسىمەن اۋىلىنا ورالعان بالا دوسىن ىزدەپ اۋىلدى ارالايدى. ٴبىراق بۇل كەزدەسۋ ول ويلاعانداي بولا ما؟

«تىنىشتىق ٴانى»

سسەناريي اۆتورى جانە رەجيسسەرى: باعلان كۇدايبەرليەۆ

قازاق كسر-نىڭ ورتالىعى، 1940 جىل. ەكى ەر ادام دالادا جالعىز تۇرعان قازاق ۇيگە كەلىپ، باستىقتارىنىڭ تاپسىرماسىن ورىنداماقشى.

«تيىن»

سسەناريي اۆتورى جانە رەجيسسەرى: مۇرات ەسجان

قايتىس بولعان اكەسىن قايتارىپ الماق بولعان بەس جاستاعى بالا تۋرالى وقيعا.

«مۋزا»

سسەناريي اۆتورى جانە رەجيسسەرى: قايىرجان ارمان

فيلمدە ىشىمدىككە سالىنىپ، جۇمىسىنان ايىرىلعان ساكەن ەسىمدى كومپوزيتوردىڭ تاعدىرى باياندالادى. ٴبىر كۇنى ول سۇيىكتىسىن كەزدەستىرەدى. الايدا ونىڭ ٴومىرى وزگەرە مە؟


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي