استانا: 
1372 
0
ش.ايمانوۆ اتىنداعى «قازاقفيلم» كينوستۋدياسىندا «كينومەحانيك» (شارتتى اتاۋى) اتتى جاڭا تولىقمەترلى كوركەم ٴفيلمنىڭ قورعالىمى ٴوتتى. بۇل تۋرالى كينوستۋديانىڭ ٴباسپاسوز قىزمەتى ٴمالىم ەتتى، دەپ حابارلايدى baq.kz.
ٴفيلمنىڭ رەجيسسەرى كينوستۋديادا قابىرعاسىندا بۇعان دەيىن «كەلىن»، «شال» جانە «كەنجە» اتتى تانىمال تريلوگياسىن تۇسىرگەن – ەرمەك تۇرسىنوۆ.
«كينومەحانيك» كينوكارتيناسى قر مادەنيەت جانە سپروت مينيسترلىگىنىڭ تاپسىرىسى بويىنشا تۇسىرىلگەلى وتىر. فيلم – ەكىنشى دۇنيەجۇزىلىك سوعىس كەزىندە نەمىس قاريادان كينواپپارات سىيعا العان سولدات تۋرالى. سوعىستان سوڭ ەلگە ورالعان ول قارتايعان شاعىنا دەيىن ەل ارالاپ كينواپپاراتپەن ەسكى فيلمدەردى كورسەتىپ، ونەر ارقىلى، ونىڭ ىشىندە، كينەماتوگرافتىڭ كومەگىمەن الەمدى وزگەرتۋگە بولادى دەپ سەنەدى.
«ٴفيلمنىڭ يدەياسى مارقۇم مەڭتاي وتەپبەرگەنوۆتىكى. ٴبىر كۇنى كينوستۋديادا كەزدەسكەنىمىزدە كينومەحانيكتەر تۋرالى ويىن ايتتى. كەيىننەن ونىڭ ويىن تارقاتىپ، سسەناريي جازىپ شىقتىم. سسەنارييدى كورگەن ساتتەن باستاپ، اۋىرىپ جۇرگەنىنە قاراماستان، باستى ٴرولدى سومداۋعا دايىندالىپ، قۋانىپ ٴجۇردى. ويتكەنى ول كوبىندە ەپيزودتىق رولدەردە ويناپ، باستى رولدەر بۇيىرماعان اكتەر بولاتىن. ٴبىز ونىڭ ۇيىندە تالاي كەزدەسىپ، رەپەتيسيا جاساپ، كەي ساحنالار تۋرالى ايتىپ جۇردىك. امال نەشىك، ٴفيلمنىڭ تۇسىرىلىمگە شىققانىن كورە الماي كەتتى... الايدا، ونىڭ ەسىمى تيتردا بولادى»، - دەدى رەجيسسەر ەرمەك تۇرسىنوۆ.
كارتينانىڭ پروديۋسەرى قانات تورەباي ەكىنشى دۇنيەجۇزىلىك سوعىس سۋرەتتەلەتىن ساحنالار وتكەن جىلدىڭ جەلتوقسان ايىندا ۆەنگريانىڭ استاناسى – بۋداپەشتتە تۇسىرىلگەنىن ايتىپ، تۇسىرىلگەن 8 مينۋتتىق بەينەماتەريالدى ەكسپەرتتىك كەڭەس مۇشەلەرىنە كورسەتتى.
«سوعىستان كەيىنگى جىلداردى ساحنالاۋعا قاجەتتى وبەكتىلەردى تابۋ ٴۇشىن قازاقستاننىڭ بارلىق ايماعىن شارلاپ شىقتىق. كورگەن وبەكتىلەردى قورىتا كەلە، تۇسىرىلىمدەردى الماتى وبلىسى، جاركەنت قالاسى ماڭىندا جۇرگىزەتىن بولدىق. ٴفيلمنىڭ نەگىزگى ايتار ويى – ۇلى كينو ونەرىنىڭ كۇشى مەن يگىلىك ەستافەتاسى. ٴبىزدىڭ كارتينامىز حح عاسىردا كينو ونەرىن تاراتۋشىلارعا باعىشتالادى»، - دەپ تۇيىندەدى پروديۋسەر.
ەرمەك تۇرسىنوۆتىڭ بۇل فيلمىندە باستى رولدەردى مۇرات ماقاجانوۆ جانە كارتينانىڭ قويۋشى سۋرەتشىسى قۋات تىلەۋباي سومدايدى.
پروديۋسەر قانات تورەبايدىڭ ايتۋى بويىنشا، فيلمدە وتاندىق جانە شەتەلدىك تانىمال اكتەرلەر بوي كورسەتەدى.
«ٴقازىر رەسەيلىك اكتريسا نينا ۋساتوۆامەن فيلمگە ٴتۇسۋى تۋرالى كەلىس-سوزدەر ٴجۇرىپ جاتىر»، - دەدى پروديۋسەر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5281
0